Anłajn-tranślacyja zapusku rakiety da Mižnarodnaj kaśmičnaj stancyi
Siońnia a 12:20 pa minskim časie z kasmadroma Bajkanur budzie zapuščana rakieta-nośbit «Sajuz-2.1a» z transpartnym bieśpiłotnym hruzavym karablom «Prahres MS-06» na borcie. Zapusk rakiety budzie tranślavacca ŭ režymie realnaha času.
Anłajn-tranślacyju budzie vieści kaśmičnaje ahienctva NASA. Hladzieć možna tutaka:
Kaśmičny karabiel «Prahres MS-06» dastavić na Mižnarodnuju kaśmičnuju stancyju nieabchodnyja astranaŭtam rečy: paliva ŭ bakach kambinavanaj ruchalnaj ŭstanoŭki (KRU) i ŭ bakach sistemy dazapraŭki, hazy ŭ bałonach srodkaŭ padačy kisłarodu, vadu, sanitarna-hihijeničnaje abstalavańnie, srodki miedycynskaha zabieśpiačeńnia, kantejniery z praduktami, pasyłki dla ekipaža i inšaje. Akramia taho, u składzie hruzu znachodziacca nanaspadarožniki «Taniuša-JUHZU», «Śfiera-53» i TNS-O №2, jakija patrebnyja dla navukovych ekśpierymientaŭ.
Jak paviedamlajuć pradstaŭniki Raskosmasa, 10 červienia śpiecyjalisty zaviaršyli zborku rakiety-nośbita «Sajuz-2.1a». Na nastupny dzień rakietu vyvieźli z mantažna-vyprabavalnaha korpusa i ŭstanavili ŭ viertykalnaje stanovišča na startavym kompleksie placoŭki №31 kasmadroma Bajkanur.
Siamju trochstupienievych rakiet-nośbitaŭ siaredniaha kłasa «Sajuz-2» raspracavali inžyniery rakietna-kaśmičnaha centra «Prahres» (Samara). U siamju taksama ŭvachodzić dvuchstupienievaja rakieta-nośbit «Sajuz-2.1v» lohkaha kłasa.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary