Uradženiec Połaččyny zahinuŭ u vajnie na baku Rasii. Jon sam vyzvaŭsia na front
Pra śmierć Valeryja Antanienki paviedamiła administracyja Bałašoŭskaha rajona Sarataŭskaj vobłaści Rasii. Pry žyćci jon mieŭ daŭhi dy prablemy z zakonam.
Valeryj Antanienka naradziŭsia ŭ vioscy Śviatličyšča Połackaha rajona. Nieviadoma, čym jon zajmaŭsia ŭ Biełarusi, ale daŭno pierajechaŭ u Rasiju (chutčej za ŭsio, da raspadu SSSR) i maje hramadzianstva hetaj krainy.
Pra jahonuju dziejnaść viadoma ŭ asnoŭnym sa źlitych rasijskich bazaŭ, datyčnych pravaparušeńniaŭ i kryminału.
Pieršuju administratyŭku jon atrymaŭ u 2000 hodzie za «niezakonnuju kuplu abo zachoŭvańnie niaznačnaj kolkaści narkotykaŭ». U 2010 zajmieŭ kryminałku za pahrozu zabojstvam. U 2018 mieŭ dźvie administratyŭki — «parušeńnie zakanadaŭstva ŭ halinie sanitarna-epidemijałahičnaha dabrabytu nasielnictva» i «pražyvańnie hramadzianina Rasii biez paśviedčańnia asoby».
Pa źviestkach Digital intelligence team, užo ŭ 2015 hodzie Antanienka mieŭ adznaku ŭ finansavych arhanizacyjach «niehatyŭ» — značyć, mieŭ daŭhi i nie płaciŭ ich. Ahułam z 2019 pa 2023 hady suprać jaho byli adkrytyja kala dziasiatka vykanaŭčych vytvorčaściaŭ za niaspłatu daŭhoŭ, kožnaja na niekalki socień dalaraŭ.
U žyćci Antanienka aficyjna pracavaŭ niašmat, u bazach šmat paznak pra toje, što jon nidzie nie pracavaŭ. Viadoma tolki pra dva aficyjnyja miescy jahonaj pracy — u 2018, 2021 i 2023 hadach na fiermach i, vidać, nie nadta ŭparta. Zarobki ŭ jaho byli taksama nievysokija — maksimum $1500 za hod.
Viadoma, što Antanienka pajšoŭ na vajnu sam. Data jahonaj śmierci nieviadomaja, rasijskija miedyja tolki adznačajuć, što jon «zahinuŭ pry vykanańni słužbovych abaviazkaŭ». Pachavany ŭ Bałašoŭskim rajonie ŭ Rasii.
«Naša Niva» — bastyjon biełaruščyny
PADTRYMAĆRecydyvist, jaki skraŭ unitaz u susieda. Raskazvajem, chto toj najmit ź Biełarusi, jakoha ŭziali ŭ pałon va Ukrainie
U Biełarusi pasadzili vahnieraŭca, jaki vajavaŭ za Rasiju. Heta vośmaja sudzimaść chraničnaha ałkaholika
34-hadovy nieanacyst ź dziasiatkam sudzimaściaŭ — stała viadoma pra biełarusa, jaki zahinuŭ padčas miasnych šturmaŭ Aŭdziejeŭki
Kamientary