Nočču ŭ ahraharadku Borkavičy ŭ Vierchniadźvinskim rajonie zhareŭ dom. Ratavalniki znajšli cieły troch darosłych i piacimiesiačnaha niemaŭlaci.
Paviedamleńnie pra pažar ad vidavočcy pastupiła ŭ MNS 24 červienia ŭ 03.25. Hareŭ dom na vulicy Rabočaj.
Ratavalniki, što prybyli na miesca zdareńnia, pabačyli, što dom achopleny ahniom, zatym u budynku abrynuŭsia dach.
«Padčas tušeńnia byli znojdzieny trupy traich darosłych, a taksama cieła chłopčyka 2017 hoda naradžeńnia, unuka haspadaroŭ doma», — raspaviali ŭ MNS.
U viedamstvie taksama paviedamili, što, pavodle papiaredniaj infarmacyi, haspadar doma i jaho žonka na momant pažaru adsutničali.
Pryčyna pažaru vyśviatlajecca, na miescy pracujuć supracoŭniki Śledčaha kamiteta i Dziaržaŭnaha kamiteta sudovych ekśpiertyz.
«Pry pažary zahinuli 24-hadovy mužčyna i jaho 31-hadovaja sužycielka, 21-hadovaja siastra zahinułaha mužčyny i jaje 5-miesiačnaje dzicia. Ustanoŭlena, što dom naležyć baćkam zahinułych brata i siastry», - raspaviała aficyjny pradstaŭnik Śledčaha kamiteta pa Viciebskaj vobłaści Śviatłana Sacharava.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary