Bieśpiłotnyja latalnyja aparaty, abo drony, časta vykarystoŭvajucca jak darahaja zabaŭka. Pryčym amatary bieśpiłotnikaŭ nastolki palubili nakiroŭvać svoj dron «kudy nie treba», što ŭrady roznych krain pačali prymać śpiecyjalnyja «antydronavyja» zakony. Ale drony ŭsio čaściej vykarystoŭvajucca i ŭ haspadarcy.
Na dniach stała viadoma, što ŭkrainski startap Kray Technologies padpisaŭ pieršyja kantrakty na vytvorčaść ahradronaŭ, asnoŭnymi zakazčykami jakich stali amierykanskija fiermiery. Pra heta paviedamlaje ŭkrainski partał LIGA.net.
Kray Technologies pakazała žurnalistam pracoŭny pratatyp svajho drona ŭ dziejańni.
Ukrainski bieśpiłotnik dapamahaje pavialičyć ŭradžajnaść pry adnačasovaj ekanomii na abjomach ŭniasieńnia uhnajeńniaŭ. Heta značyć, padniać dachody fiermieraŭ i pamienšyć vydatki.
Pry ŭniasieńni ŭhnajeńniaŭ samalotam zastajucca nieachoplenyja krai pola, a pry ŭniasieńni z traktara mniecca častka pasievaŭ. Praz heta ŭradžaj źnižajecca prykładna na 4%. Dron Kray lacić na vyšyni 1 mietr nad pasievami ŭ aŭtamatyčnym režymie, i straty ŭradžaju (nieapracavanyja krai pola) źnižajucca da 0,5%.
Ahradrony — vielmi pierśpiektyŭny kirunak raźvićcia bieśpiłotnych latajučych aparataŭ i vydatnaja ideja dla startapa.
Kankurencyja na rynku isnuje, ale z upeŭnienaściu možna zajavić, što niša ŭsio jašče volnaja. Tak, va ŭkrainskaha drona na rynku jość niekalki kankurentaŭ, naprykład, Yamaha Rmax. Kray vidavočna budzie kankuravać z kitajskim DJI Agros M1. Hety aparat abstalavany ŭdvaja mienšym pa abjomie bakam dla ŭhnajeńniaŭ i nie zdolny raźvivać takuju vialikuju chutkaść.
Asnoŭnyja funkcyi ahradronaŭ, jakija zaraz najbolš raspaŭsiudžanyja ŭ Kanadzie, ZŠA i Kitai, — siejańnie, apyrskvańnie raślinaŭ vadoj i srodkami suprać škodnych nasiakomych na ŭčastkach, kudy niemahčyma prajechać, ŭniasieńnie ŭhnajeńniaŭ, kantrol rostu raślin.
Jomistaść rynku ahradronaŭ užo siońnia aceńvajecca ŭ niekalki miljardaŭ dalaraŭ.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary