«Čełsi» i «Reał» uzhadnili pierachod forvarda zbornaj Ispanii Alvara Marata ŭ łondanski kłub, paviedamlaje Marca. Suma tranśfieru składzie € 80 młn.
Takim čynam Marata stanie samym darahim ispanskim futbalistam u historyi. Raniej u hetym rejtynhu lidziravaŭ forvard Fiernanda Tores, u 2011 hodzie pierajšoŭ z «Livierpula» u «Čełsi» za €58 młn.
Na maładziožnym uzroŭni Marata vystupaŭ za madrydski «Atletyka», «Chietafie» i «Reał». Za asnoŭnuju kamandu «Reała» jon debiutavaŭ u śniežni 2010 hoda. U 2014-m forvard byŭ pradadzieny turynskamu «Juvientusu» za € 20 młn, u 2016-m viarnuŭsia nazad u «karaleŭski kłub» za €30 młn.
U składzie «Reała» Marata pravioŭ 95 matčaŭ va ŭsich turnirach, zabiŭšy 31 hoł. Z madrydskim kłubam jon vyjhraŭ dźvie Lihi čempijonaŭ, dva čempijanaty Ispanii, dva Kubka krainy, čempijanat śvietu siarod kłubaŭ i Supierkubak UEFA.
Za zbornuju Ispanii forvard vystupaje z 2014 hoda. U 20 matčach u składzie nacyjanalnaj zbornaj jon zabiŭ dzieviać hałoŭ.
Kamientary