Tysiačy prychilnikaŭ Pokemon Go atrymajuć kampiensacyju z-za zbojaŭ na fiestyvali ŭ Čykaha, z-za jakich jany nie mieli dostupu da dadatku i nie zmahli hulać. A fanaty vykłali hrošy za bilety, raźličvajučy złavić samych redkich istot u hetaj hulni, jakaja achapiła ŭvieś śviet.
Techničnyja zboi adbylisia z-za spałučeńnia dvuch faktaraŭ — pierahružanych mabilnych sietak i niekalki pamyłak, jakija, jak pryznali arhanizatary, byli z «ich boku».
U vyniku mierapryjemstva, jakoje rekłamavałasia jak šaniec ŭpieršyniu sabracca razam i złavić niekatorych redkich istot z Pokemon Go, było sarvana, a fanatam pakiemonaŭ zastavałasia tolki śvistać i kryčać: «Vypraŭcie našu hulniu!»
Pradstaŭniki kampanii Niantic, jakaja stvaryła papularnuju va ŭsim śviecie hulniu, sprabavali rastłumačyć situacyju i supakoić haściej, ale biespaśpiachova. Chtości z naviedvalnikaŭ fiestyvalu navat kinuŭ butelku ŭ viadučaha na scenie, ale nie trapiŭ.
Akramia viartańnia 20 dalaraŭ, vydatkavanych na kvitki na fiestyval, rasčaravanym prychilnikam u jakaści kampiensacyi prapanavana pa 100 dalaraŭ u vyhladzie hulniavoj valuty (pokecoins), jakuju možna vykarystoŭvać u dadatku.
Kvitki na mierapryjemstva byli raspradadzienyja na praciahu dziesiaci chvilin paśla pačatku prodažu, a ŭ śpiekulantaŭ košt kvitkoŭ dachodziła da 400 dalaraŭ. Arhanizatary płanavali sabrać na fiestyvali 20 tysiač udzielnikaŭ
Akramia techničnych prablem nastroju fanatam Pokemon Go ŭ subotu sapsavali čerhi, u jakich niekatorym pryjšłosia prastajać bolš za try hadziny.
Praŭda, łavić pakiemonaŭ možna było i za miežami parku, dzie prachodziŭ fest. Bo arhanizatary, sprabujučy vyrašyć techničnyja prablemy, pavialičyli radyus terytoryi, na jakoj možna było sustreć redkich istot.
Kamientary