U adnoj z hieraiń rolika «StopCham u Minsku. Jazda pa tratuary» karystalniki internetu paznali namieśnika hienieralnaha dyrektara ATN Biełteleradyjokampanii Ału Ryžkievič.
Hladzieć z 5.54 chviliny.
Ała Fiodaraŭna (błandzinka z karotkimi vałasami) razam sa svaim spadarožnikam na «Aŭdzi» ŭpeŭniena pierasoŭvalisia pa tratuary, što ŭ rajonie praśpiekta Lubimava. Minčuk Maksim, jaki ŭ hety čas prajazdžaŭ tam na rovary, zrabiŭ im i inšym parušalnikam zaŭvahu dy pačaŭ zdymać usio heta na videa.
Kiroŭcy, pavodle słovaŭ Maksima, svaimi pavodzinami tut adkryta pieraškadžajuć piešachodam i viełasipiedystam, čas ad času zajmajučy ŭvieś tratuar — z adnaho boku parkujucca, a ź inšaha jeduć. Ale zamiest taho, kab pryznać svaju vinu, jany pavodzili siabie davoli ahresiŭna.
U vyniku nieabyjakavy chłopiec vysłuchaŭ na svoj adras nie adnu abrazu.
Darečy, bolšaść udzielnikaŭ hetaha «realici-šou» na Lubimava prademanstravali niaviedańnie nie tolki praviłaŭ darožnaha ruchu, ale i zakona «Ab infarmacyi, infarmatyzacyi i abaronie infarmacyi», zabaraniajučy viełasipiedystu vieści videazdymku. Jak minimum, dla supracoŭnika ŚMI heta dziŭna.
U kamientaryi «NN» Ała Ryžkievič nazvała hetu situacyju zvyčajnym bytavym kanfliktam, na jakim viełasipiedyst zrabiŭ sabie pijar. I dadała, što, niahledziačy na heta, «jamu ŭsio daruje».
A voś DAI ŭ dadzienym vypadku nikomu ničoha daravać nie źbirałasia.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary