Tramp — pra pahrozy Pchieńjana: «Jany buduć sustretyja ahniom i lutaściu, jakich śviet jašče nie bačyŭ»
Prezydent ZŠA pazytyŭna acaniŭ pryniaćcie rezalucyi Rady Biaśpieki AAN ab sankcyjach suprać Paŭnočnaj Karei.
«Samaje lepšaje dla Paŭnočnaj Karei — bolš nie pahražać Złučanym Štatam. Jany buduć sustretyja ahniom i lutaściu, jakich śviet jašče nia bačyŭ», — zajaviŭ u aŭtorak prezydent ZŠA Donald Tramp.
Raniej prezydent z pachvałoj vykazaŭsia pra inšyja krainy za pryniaćcie zachadaŭ suprać rakietnaj prahramy Paŭnočnaj Karei. Słovy Trampa prahučali praź niekalki dzion paśla taho, jak Rada Biaśpieki AAN uviała novyja sankcyi ŭ dačynieńni da Pcheńjanu ŭ adkaz na praviedzienyja ŭ lipieni dva vyprabavańni mižkantynentalnych balistyčnych rakiet.
«Paśla šmathadovaj biaździejnaści krainy abjadnoŭvajucca, kab narešcie pryniać zachady ŭ suviazi z pahrozami z boku KNDR. Treba dziejničać žorstka i rašuča!» — napisaŭ Tramp u Tvitery ŭ aŭtorak.
Padrychtavanaja ZŠA rezalucyja pa Paŭnočnaj Karei była ŭchvalenaja Radaj Biaśpieki AAN jašče ŭ subotu. Heta była reakcyja prezydenta ZŠA na pahrozy «dać ZŠA surjozny ŭrok», jakija prahučali z Pcheńjanu paśla ŭchvaleńnia Radaj Biaśpieki AAN rezalucyi, jakaja praduhledžvaje dadatkovyja sankcyi suprać KNDR. Hetyja sankcyi, jak čakajecca, pazbaviać Paŭnočnuju Kareju 1 miljarda dalaraŭ ekspartnych dachodaŭ, amal traciny ŭsich ekspartnych pastupleńniaŭ. Rezalucyja była adnadušna ŭchvalenaja Radaj Biaśpieki.
U aŭtorak niezadoŭha da zajavy prezydenta Trampa hazeta «Vašynhton Post» apublikavała infarmacyju pra dakład analitykaŭ amerykanskaj vajskovaj vyviedki, jakija pryjšli da vysnovy, što Pcheńjanu ŭžo ŭdałosia stvaryć minijaturnuju jadziernuju bojehałoŭku, jakuju jany mohuć ustalavać na balistyčnych rakietach. Zachodnija analityki mierkavali, što Paŭnočnaj Karei spatrebicca jašče niekalki hadoŭ dla stvareńnia pracazdolnaj bojehałoŭki, samaha technična składanaha kampanentu jadziernaj zbroi.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina20
Kamientary