Urad Biełarusi zaćvierdziŭ pałažeńnie ab paradku atrymańnia ŭnikalnaha identyfikatara. Adpaviednaje rašeńnie ŭtrymlivajecca ŭ pastanovie Savieta Ministraŭ ad 22 žniŭnia 2017 hoda №637, paviedamlaje BIEŁTA sa spasyłkaj na sajt biełaruskaha ŭrada.
Unikalny identyfikatar — srodak identyfikacyi hramadzianina pry ažyćciaŭleńni administracyjnych pracedur ŭ elektronnaj formie praz asabisty elektronny kabiniet, u dačynieńni da jakich zakanadaŭstvam ab administracyjnych pracedurach ustanoŭlenaja takaja forma ich ažyćciaŭleńnia.
Pałažeńniem vyznačany paradak atrymańnia ŭnikalnaha identyfikatara ŭ metach zabieśpiačeńnia dostupu da adzinaha partała elektronnych pasłuh dla padačy (adklikańnia) zajaŭ ab ažyćciaŭleńni administracyjnych pracedur, atrymańnia administracyjnych rašeńniaŭ (apaviaščeńniaŭ ab pryniatych administracyjnych rašeńniach) i padačy (adklikańnia) administracyjnych skarhaŭ u elektronnaj formie. Unikalny identyfikatar uklučaje ŭ siabie łahin (imia ŭlikovaha zapisu hramadzianina) i parol.
Pastanovaj taksama zaćvierdžanaje pałažeńnie ab paradku ŭzajemadziejańnia ŭpaŭnavažanaha orhana z apierataram ahulnadziaržaŭnaj aŭtamatyzavanaj infarmacyjnaj sistemy (AAIS), dziaržaŭnymi orhanami i inšymi arhanizacyjami pry ažyćciaŭleńni administracyjnych pracedur ŭ elektronnym vyhladzie praz adziny partał elektronnych pasłuh.
Dziejańnie pałažeńnia raspaŭsiudžvajecca na ŭzajemadziejańnie ŭpaŭnavažanaha orhana z apierataram AAIS pry stvareńni ŭmoŭ dla ažyćciaŭleńnia administracyjnych pracedur u elektronnym vyhladzie praz adziny partał, a taksama z apierataram AAIS, dziaržaŭnymi orhanami i inšymi arhanizacyjami pry atrymańni ŭ elektronnaj formie dakumientaŭ i (abo) źviestak, nieabchodnych dla ažyćciaŭleńnia administracyjnaj pracedury, nie ŭklučanych u pieraliki dakumientaŭ i (abo) źviestak, što pradstaŭlajucca zacikaŭlenymi asobami
Ministerstvu ŭnutranych spraŭ daručana na biazvypłatnaj asnovie pradastaŭlać źviestki ab piersanalnych danych fizičnych asob ź dziaržaŭnych infarmacyjnych resursaŭ (sistem), uładalnikam jakich jano źjaŭlajecca, dla paćvierdžańnia dakładnaści danych dakumienta, što śviedčyć asobu, jakaja źviarnułasia pa vydaču ŭnikalnaha identyfikatara.
Pastanova ŭstupaje ŭ siłu paśla jaje aficyjnaha apublikavańnia.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie16
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary