Урад Беларусі зацвердзіў палажэнне аб парадку атрымання ўнікальнага ідэнтыфікатара. Адпаведнае рашэнне ўтрымліваецца ў пастанове Савета Міністраў ад 22 жніўня 2017 года №637, паведамляе БЕЛТА са спасылкай на сайт беларускага ўрада.
Унікальны ідэнтыфікатар — сродак ідэнтыфікацыі грамадзяніна пры ажыццяўленні адміністрацыйных працэдур ў электроннай форме праз асабісты электронны кабінет, у дачыненні да якіх заканадаўствам аб адміністрацыйных працэдурах устаноўленая такая форма іх ажыццяўлення.
Палажэннем вызначаны парадак атрымання ўнікальнага ідэнтыфікатара ў мэтах забеспячэння доступу да адзінага партала электронных паслуг для падачы (адклікання) заяў аб ажыццяўленні адміністрацыйных працэдур, атрымання адміністрацыйных рашэнняў (апавяшчэнняў аб прынятых адміністрацыйных рашэннях) і падачы (адклікання) адміністрацыйных скаргаў у электроннай форме. Унікальны ідэнтыфікатар уключае ў сябе лагін (імя ўліковага запісу грамадзяніна) і пароль.
Пастановай таксама зацверджанае палажэнне аб парадку ўзаемадзеяння ўпаўнаважанага органа з аператарам агульнадзяржаўнай аўтаматызаванай інфармацыйнай сістэмы (ААІС), дзяржаўнымі органамі і іншымі арганізацыямі пры ажыццяўленні адміністрацыйных працэдур ў электронным выглядзе праз адзіны партал электронных паслуг.
Дзеянне палажэння распаўсюджваецца на ўзаемадзеянне ўпаўнаважанага органа з аператарам ААІС пры стварэнні ўмоў для ажыццяўлення адміністрацыйных працэдур у электронным выглядзе праз адзіны партал, а таксама з аператарам ААІС, дзяржаўнымі органамі і іншымі арганізацыямі пры атрыманні ў электроннай форме дакументаў і (або) звестак, неабходных для ажыццяўлення адміністрацыйнай працэдуры, не ўключаных у пералікі дакументаў і (або) звестак, што прадстаўляюцца зацікаўленымі асобамі
Міністэрству ўнутраных спраў даручана на бязвыплатнай аснове прадастаўляць звесткі аб персанальных даных фізічных асоб з дзяржаўных інфармацыйных рэсурсаў (сістэм), уладальнікам якіх яно з'яўляецца, для пацверджання дакладнасці даных дакумента, што сведчыць асобу, якая звярнулася па выдачу ўнікальнага ідэнтыфікатара.
Пастанова ўступае ў сілу пасля яе афіцыйнага апублікавання.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары