Ministr Karpienka raskrytykavaŭ himnazičnuju adukacyju za nieabhruntavanuju elitarnaść
dapoŭniena
Ministr adukacyi Ihar Karpienka siońnia na plenarnym pasiadžeńni Respublikanskaj piedahahičnaj narady raskrytykavaŭ himnazičnuju adukacyju za nieabhruntavanuju elitarnaść.
Siońnia na praktycy navučańnie ŭ himnazii — heta nie vybar vučnia, a, chutčej, ambicyi baćkoŭ, zaŭvažyŭ ministr. U jakaści prykładu jon pryvioŭ situacyju, kali vučań nie pastupiŭ u himnaziju, zdaŭšy ekzamieny na dzieviać bałaŭ. Na dumku Ihara Karpienki, taki stres ničym nie apraŭdany. «Ahulnaadukacyjnaja škoła maje takoje ž prava, jak i himnazija, licej na vyjaŭleńnie i dalejšaje navučańnie adoranych i matyvavanych navučencaŭ. Sumiesna ź piedahohami-praktykami nieabchodna vypracavać kryteryi takoha adboru», — skazaŭ ministr. Pavodle jaho słoŭ, heta budzie adpaviadać pryncypam sacyjalnaj spraviadlivaści i roŭnadastupnaj ahulnaj siaredniaj adukacyi ŭ procivahu elitarnaści himnazičnaj adukacyi.
Ministr ličyć, što treba zrabić bolš žorstkim patrabavańni da jakaści adukacyi ŭ himnazijach z ulikam prafilizacyi. «Jaje varta źviazvać nie z ustupnymi vyprabavańniami ŭ piaty kłas himnazii, a sa śviadomym vybaram školnikam prafiesii. A heta mahčyma ŭ starejšym uzroście», — adznačyŭ Ihar Karpienka.
U cełym ciapierašniuju strukturu sistemy adukacyi nieabchodna ŭparadkavać. Tak, u sistemie ahulnaj siaredniaj adukacyi funkcyjanuje 15 vidaŭ ustanoŭ. Pry hetym asablivuju ŭvahu ministerstva zasiarodžana na himnazijach, z 210 na słychu niekalki dziasiatkaŭ, raskazaŭ ministr.
Kamientary