Pajšli čutki, što ź biełaruskich zapravak źniknie bienzin AI-92. U «Biełnaftachimie» patłumačyli
Apošnim časam u siecivie aŭtamabilisty aktyŭna kamientujuć pytańnie mahčymaha źniknieńnia ź biełaruskich AZS bienzinu AI-92. Ci sapraŭdy hetaha varta čakać, prakamientavaŭ staršynia kancerna «Biełnaftachim» Illa Ikan, piša BiełTA.
Pa słovach Illi Ikana, pakul havorki pra chutkaje źniknieńnie 92‑ha bienzinu niama, adnak tendencyja da źmieny struktury spažyvańnia sapraŭdy isnuje.
Statystyka pakazvaje, što popyt na AI-92 pastupova źnižajecca, a ŭsio bolš kiroŭcaŭ vybirajuć AI-95 i paliva ź jašče vyšejšym aktanavym likam. Asabliva heta prykmietna ŭ Minsku i Minskaj vobłaści, dzie dola AI-95 užo dasiahaje 70—80% ad ahulnaha abjomu spažyvańnia bienzinu.
Kiraŭnik kancerna adznačyŭ, što sučasny aŭtapark u Biełarusi stanovicca bolš technałahičnym: mnohija aŭtamabili abstalavanyja turbiravanymi i vysokafarsiravanymi ruchavikami, jakija patrabujuć jakasnaha vysokaaktanavaha paliva. Adpaviedna, vytvorcy pavinny reahavać na patreby rynku.
Na biełaruskich naftapierapracoŭčych zavodach užo realizujucca inviestprajekty pa vytvorčaści vysokaaktanavych dabavak. Na adnym pradpryjemstvie prajekt užo ŭkaraniony, na druhim — pačynajecca. Heta dazvolić zabiaśpiečyć rynak bienzinam AI-95, AI-98 i navat AI-100 u dastatkovaj kolkaści.
Razam z tym Illa Ikan padkreśliŭ, što ŭ najbližejšyja hady AI-92 zastaniecca ŭ prodažy. Jak minimum da 2030 hoda, pa jaho słovach, hety vid bienzinu nie źniknie ź biełaruskich zapravačnych stancyj, bo značnaja častka aŭtamabilaŭ pa-raniejšamu raźličanaja mienavita na jaho.
Pry hetym u doŭhaterminovaj pierśpiektyvie struktura «bienzinavaha košyka» moža źmianicca na karyść bolš vysokaaktanavych marak — AI-95, AI-98 i AI-100.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary