U Kijevie na vulicy Hrušeŭskaha adbyŭsia vybuch, dva čałavieki atrymali cialesnyja paškodžańni. Pra heta UNIAN paviedamili ŭ Adździele kamunikacyi palicyi Kijeva.
«U 14.06 u dziažurnuju častku pastupiła paviedamleńnie ab vybuchu nieviadomaha pradmieta na vulicy Hrušeŭskaha. U vyniku mužčyna i žančyna atrymali cialesnyja paškodžańni», — havorycca ŭ paviedamleńni.
Adznačajecca, što na miescy pracuje śledča-apieratyŭnaja hrupa i ekśpierty-vybuchatechniki, jakija vyśviatlajuć usie abstaviny zdareńnia. «Infarmacyja pra paciarpiełych udakładniajecca», — adznačyli ŭ viedamstvie.
Vybuch moh być zahadzia spłanavanym teraktam. Pra heta zajaviŭ sakratar Savieta nacyjanalnaj biaśpieki i abarony Alaksandr Turčynaŭ, paviedamlaje Hromadśkie.
«My nie vyklučajem, što heta spłanavany terakt, jaki pasprabavali ŭčynić, kab u Dzień Niezaležnaści nie ŭsie mahli radavacca śviatu. Tut pracujuć apieratyŭniki, Nacpalicyja i SBU. Jany razumiejuć uvieś skład złačynstva, i ciapier adbyvajecca pošuk tych terarystaŭ, jakija heta rabili», — skazaŭ jon.
-
Va Ukrainie bankir apublikavaŭ fota klijentki, jakaja prachodziła vieryfikacyju «na fonie ściaha Rasii», i trapiŭ u skandał
-
Zialenski: Ukraina ciapier maje «karty», i ŭsie heta zrazumieli
-
ZŠA źniščyli bolš za dziasiatak iranskich vajennych karabloŭ u Armuzskim pralivie, pryznačanych dla ŭstanoŭki min VIDEA
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary