У Кіеве на вуліцы Грушэўскага адбыўся выбух, два чалавекі атрымалі цялесныя пашкоджанні. Пра гэта УНІАН паведамілі ў Аддзеле камунікацыі паліцыі Кіева.
«У 14.06 у дзяжурную частку паступіла паведамленне аб выбуху невядомага прадмета на вуліцы Грушэўскага. У выніку мужчына і жанчына атрымалі цялесныя пашкоджанні», — гаворыцца ў паведамленні.
Адзначаецца, што на месцы працуе следча-аператыўная група і эксперты-выбухатэхнікі, якія высвятляюць усе абставіны здарэння. «Інфармацыя пра пацярпелых удакладняецца», — адзначылі ў ведамстве.
Выбух мог быць загадзя спланаваным тэрактам. Пра гэта заявіў сакратар Савета нацыянальнай бяспекі і абароны Аляксандр Турчынаў, паведамляе Громадське.
«Мы не выключаем, што гэта спланаваны тэракт, які паспрабавалі ўчыніць, каб у Дзень Незалежнасці не ўсе маглі радавацца святу. Тут працуюць аператыўнікі, Нацпаліцыя і СБУ. Яны разумеюць увесь склад злачынства, і цяпер адбываецца пошук тых тэрарыстаў, якія гэта рабілі», — сказаў ён.
Цяпер чытаюць
Расійская блогерка-мільённіца, якая зганьбілася з беларускай мовай, запісала відэа з тлумачэннямі — але так і не выбачылася27
Каментары