Pryjemna, kali novyja krainy źjaŭlajucca na mapie śvietu, kali narody vychodziać ź niaroŭnych źviazaŭ, kali ludzi atrymlivajuć mahčymaść vyrašać svaje spravy samastojna, nie zapytvajučy «starejšaha brata».
Užo, vidać, možna pavinšavać 600-tysiačnuju respubliku z tym, što jana nieŭzabavie stanie niezaležnaj krainaj. Učora prajšoŭ referendum, na jakim 55.3% prahałasavali za niezaležnaść ad Serbii.
Pryjemna, kali novyja krainy źjaŭlajucca na mapie śvietu, kali narody vychodziać ź niaroŭnych źviazaŭ, kali ludzi atrymlivajuć mahčymaść vyrašać svaje spravy samastojna, nie zapytvajučy «starejšaha brata».
Cikava čuć mierkavańni serbaŭ z nahody ŭčorašniaha referendumu. Refrenam prachodzić stohn «Ach, jak takoje adbyłosia - jany vyrašajuć naš ahulny los!». Sapraŭdy, žycharoŭ Serbii - jakich kala 8 miljonaŭ - nichto nie spytaŭ, ci chočuć jany być niezaležnymi ad Čarnahoryi. I ich možna zrazumieć; Čarnahoryja, choć i maleńkaja, ale prynosić tolki bonusy źviazu - heta mocny turystyčny kraj, z vychadam da Adryjatyčnaha mora, pryhožymi hornymi krajavidami. Adasableńnie ad Čarnahoryi pazbavić Serbiju vychadu da mora, što zrobić ichny flot niepatrebnym. Ale ž šmat tut Serbija nia zhubić - bo jana zastaniecca pierajemnicaj źviazu, i ŭsia majomaść źviazu zastaniecca serbskaj; usie dyplamatyčnyja misii Serbii i Čarnahoryi stanuć misijami Serbii; spartovyja federacyi Serbii zastanucca čalcami mižnarodnych federacyjaŭ; dumaju, z armijaj i flotam taksama ŭsio zrazumieła.
Zatoje adasableńnie daść Čarnahoryi šmat novych mahčymaściaŭ. Ad chutkaha ŭvachodžańnia ŭ EZ (tamu što im nia treba vyrašać prablemy z vajskovymi złačyncami) i samastojnaj palityki ŭ śviecie, da ŭłasnych reprezentacyjaŭ u roznych vidach sportu. Ale da hetaha im jašče ciažki i doŭhi šlach; paśla deklaravańnia niezaležnaści im treba budzie, kab ichniuju niezaležnaść pryznali inšyja krainy, treba budzie padavać zajavu na toje, kab stać čalcom AAN, treba budzie stvarać ułasnyja dyplamatyčnyja misii pa śviecie, uvodzić svaje spartovyja federacyi ŭ mižnarodnyja arhanizacyi… Ale ž heta varta taho. Heta jak źjechać uva ŭłasnuju kvateru z asobnaha pakojčyku ŭ kamunałcy.
Čarnahoryja ŭ adnosinach da Serbii mnie vielmi nahadvaje Biełaruś u adnosinach da Rasiei. Taksama maleńkaja kraina, taksama doŭha źviazanaja kulturna ź vialikaj, taksama mocny moŭny ŭpłyŭ.. Praŭda, čarnahorskaja mova jašče nie pryznanaja adnaznačna asobnaj (hladzi, naprykład, staronku ŭ Vikipedyi).
Tolki ŭ nas čamuści razmova idzie pra referendum ab «złučeńni», choć uva ŭsim śviecie idzie tendencyja adasableńnia. Naprykład, učora na Eŭrańjuz pieršyja dźvie naviny byli jakraz separatysckija - pra Čarnahoryju i Baskoniju.
A vy jak dumajecie, što bolej važna dla śvietu - novyja źviazy dla stvareńnia macniejšych dziaržaŭ, novyja adasoblenyja maleńkija niezaležnyja dziaržavy, ci lepiej za ŭsio zachavańnie siońniašniaha stanu?
BM
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary