U kancy žniŭnia hurt «Akijan Elzy» paviedamiŭ, što na bližejšy hod admovicca ad kancertaŭ. Tady lidar kalektyvu Śviatasłaŭ Vakarčuk kazaŭ, što jamu treba ŭziać paŭzu, kab «zasiarodzicca na svaim ŭnutranym śviecie i na dapamozie krainie». Siońnia ŭ svaim tvitary muzyka napisaŭ, što ŭ bližejšy čas stanie adnačasova i studentam, i vykładčykam Stenfardskaha ŭniviersiteta ŭ ZŠA.
Vakarčuk stanie zaprošanym vykładčykam u miascovym Centry demakratyi i viaršenstva prava. U pryvatnaści, muzyka budzie ŭzajemadziejničać z Prahramaj ukrainskich lidaraŭ, stvoranaj u 2016 hodzie dla pavyšeńnia ŭzroŭniu čynoŭnikaŭ krainy, piša Tut.by.
Padčas 10-miesiačnaha kursu Śviatasłaŭ Vakarčuk budzie nie tolki vučycca ŭ ZŠA ŭ prafiesaraŭ Stenforda, ale i daść niekalki adkrytych lekcyj va Ukrainie.
«My ź nieciarplivaściu čakajem sustrečy sa Słavam Vakarčukom z supolnaściu našaha centra hetaj vosieńniu. Jaho prysutnaść značna paŭpłyvaje na naša razumieńnie demakratyčnaha pierachodu Ukrainy», — kažuć u Stenfardzie.
Vielika čiesť dla mienie proviesti osińnij siemiestr v Stienfordi. Stanu studientom i vikładačiem odnočasnoDiakuju @McFaul @FukuyamaFrancis za doviru!
Śviatasłaŭ Vakarčuk nie tolki muzyka, ale jašče i hramadski dziejač. Jon źjaŭlajecca stvaralnikam dabračynnaha fondu «Ludzi budučyni» i adnym z zasnavalnikaŭ Centra ekanamičnaj stratehii, jaki padtrymlivaje reformy ŭ Ukrainie.
Raniej lidar atrymaŭ doktarskuju stupień pa tearetyčnaj fizicy Lvoŭskaha nacyjanalnaha ŭniviersiteta imia Ivana Franka. A ŭ 2015 hodzie byŭ navukovym supracoŭnikam Jelskaha ŭniviersiteta.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary