У канцы жніўня гурт «Акіян Эльзы» паведаміў, што на бліжэйшы год адмовіцца ад канцэртаў. Тады лідар калектыву Святаслаў Вакарчук казаў, што яму трэба ўзяць паўзу, каб «засяродзіцца на сваім ўнутраным свеце і на дапамозе краіне». Сёння ў сваім твітары музыка напісаў, што ў бліжэйшы час стане адначасова і студэнтам, і выкладчыкам Стэнфардскага ўніверсітэта ў ЗША.
Вакарчук стане запрошаным выкладчыкам у мясцовым Цэнтры дэмакратыі і вяршэнства права. У прыватнасці, музыка будзе ўзаемадзейнічаць з Праграмай украінскіх лідараў, створанай у 2016 годзе для павышэння ўзроўню чыноўнікаў краіны, піша Tut.by.
Падчас 10-месячнага курсу Святаслаў Вакарчук будзе не толькі вучыцца ў ЗША ў прафесараў Стэнфорда, але і дасць некалькі адкрытых лекцый ва Украіне.
«Мы з нецярплівасцю чакаем сустрэчы са Славам Вакарчуком з супольнасцю нашага цэнтра гэтай восенню. Яго прысутнасць значна паўплывае на наша разуменне дэмакратычнага пераходу Украіны», — кажуць у Стэнфардзе.
Велика честь для мене провести осінній семестр в Стенфорді. Стану студентом і викладачем одночасноДякую @McFaul @FukuyamaFrancis за довіру!
Святаслаў Вакарчук не толькі музыка, але яшчэ і грамадскі дзеяч. Ён з'яўляецца стваральнікам дабрачыннага фонду «Людзі будучыні» і адным з заснавальнікаў Цэнтра эканамічнай стратэгіі, які падтрымлівае рэформы ў Украіне.
Раней лідар атрымаў доктарскую ступень па тэарэтычнай фізіцы Львоўскага нацыянальнага ўніверсітэта імя Івана Франка. А ў 2015 годзе быў навуковым супрацоўнікам Ельскага ўніверсітэта.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары