U Suśvietnym fondzie pryrody raspaviali, da čaho pryviadzie masavaje vymirańnie nasiakomych u Niamieččynie
Źniknieńnie za karotki čas 80% kryłatych nasiakomych, zafiksavanaje ŭ Niamieččynie, moža pryvieści da źnižeńnia uradžajaŭ sielskahaspadarčych kultur, zajaviŭ RIAN rasijski kiraŭnik prahramy pa zachavańni bijaraznastajnaści Suśvietnaha fondu dzikaj pryrody (WWF) Uładzimir Krevier.
Čytajcie taksama: U Niamieččynie pa nieviadomych pryčynach źnikła 80% usich nasiakomych
«Nizkaja bijamasa nasiakomych źjaŭlajecca ŭniviersalnym i vielmi tryvožnym pakazčykam taho, što adbyvajecca niešta niadobraje. Kali ŭ ekałahičnaj piramidzie pačynaje vypadać adno ź nižejšych źvionaŭ, to pačnie sypacca ŭsio, što znachodzicca vyšej. Pačniecca razbałansiroŭka pryrodnych ekasistem, i nastupstvy mohuć być vielmi roznyja. Naprykład, źnižeńnie ŭradžajnaści raślin, jakija patrabujuć apyleńnia kazurkami», — skazaŭ Krevier.
Ale, papiaredžvaje navukoviec nieabchodnyja dalejšyja i bolš hłybokija daśledavańni: ci ŭsie vidy źnikli raŭnamierna, abo tolki niejkaja hrupa. Taksama vielmi važna razabracca ŭ pryčynach vymirańnia.
Suśvietny fond (dzikaj) pryrody (World Wide Fund for Nature) — mižnarodnaja hramadskaja arhanizacyja, jakaja pracuje ŭ śfierach, jakija tyčacca zachavańnia, daśledavańnia i adnaŭleńnia navakolnaha asiarodździa. Heta najbujniejšaja ŭ śviecie niezaležnaja pryrodaachoŭnaja arhanizacyja z bolš čym 5 miljonami prychilnikaŭ va ŭsim śviecie, jakaja pracuje ŭ bolš čym 100 krainach i padtrymlivaje kala 1300 pryrodaachoŭnych prajektaŭ va ŭsim śviecie.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary