U Šatłandyi zakanadaŭča zabaroniać fizičnaje pakarańnie dla dziaciej, paćvierdzili miascovyja ŭłady. Šatłandyja takim čynam stanie pieršaj častkaj Złučanaha Karaleŭstva, dzie šlopańnie dziaciej budzie abvieščanaje niezakonnym, paviedamlaje VVS.
Deputat parłamienta ad Šatłandskaj partyi zialonych Džon Fini ŭnios adpaviedny zakonaprajekt, jaki, jak čakajecca, budzie pryniaty — ministry šatłandskaha ŭrada ŭžo zajavili, što majuć namier uvasablać jaho ŭ žyćcio.
Zhodna z prapanovami Fini, jakija abmiarkoŭvalisia ŭsie leta, dzieci atrymajuć takuju ž pravavuju abaronu, jak i darosłyja.
Ciapier šatłandskija baćki z pravavoha punktu hledžańnia mohuć u svajo apraŭdańnie skazać, što fizičny hvałt u dačynieńni da dziciaci byŭ «apraŭdanym». Choć vykarystoŭvać dla fizičnaha pakarańnia jakija-niebudź pradmiety abo bić dzicia pa hałavie zabaroniena i ciapier.
Takich zabaronaŭ niama ŭ Anhlii, Uelsie abo ŭ Paŭnočnaj Irłandyi. Baćkam dazvalajecca vykarystoŭvać «razumnaje pakarańnie». Adnak im mohuć vystavić abvinavačvańni, kali na ciele dziciaci jość siniaki, acioki, parezy, ranki abo drapiny, jakija źjavilisia ŭ vyniku prymianieńnia siły. Va Uelsie ciapier idzie kansultacyja z nahody zakanadaŭčaj zabarony fizičnaha pakarańnia dziaciej.
Fini ŭnios zakonaprajekt u šatłandski parłamient z kamientarom, što praktyku «apraŭdanaha pakarańnia» nieabchodna spynić i dać dzieciam roŭnuju abaronu ad hvałtu z darosłymi.
«My nie možam ličyć Šatłandyju najlepšym miescam dla vychavańnia dziaciej, pakul naš zakon daje im mienš za ŭsich u hramadstvie abarony ad hvałtu», — zajaviŭ Fini.
Šatłandskaje Tavarystva pa papiaredžańni žorstkaha abychodžańnia ź dziećmi nazvała hety krok «pačatkam šlachu nasustrač spraviadlivaści i roŭnaści dla dziaciej».
Adnak hety krok uchvalili nie ŭsie. Śviatar svabodnaj carkvy Šatłandyi Devid Robiertsan paskardziŭsia na toje, što z-za zabarony navat dobrych baćkoŭ mohuć abvinavacić u złačynstvie za toje, što tyja prosta lapnuć dzicia pa ruce.
Niekamiercyjnaja arhanizacyja Be Reasonable va Uelsie źbiraje podpisy suprać zakonaprajekta, śćviardžajučy, što ŭ im lohkaje šlopańnie pryraŭnoŭvajecca da źbićcia dziaciej. Inicyjatary śćviardžajuć, što z dapamohaj zakona ŭłady ŭmiešvajucca ŭ toje, jak baćki vychoŭvajuć svaich dziaciej.
U vodhuku šatłandskaha ŭrada havorycca: «My padtrymajem zakanadaŭčyja inicyjatyvy Džona Fini pa zabaronie ŭsich formaŭ fizičnych pakarańniaŭ».
«My ličym, što fizičnaje pakarańnie moža mieć niehatyŭny efiekt, jaki doŭžycca bolš, čym fizičny bol. My padtrymlivajem pazityŭnaje vychavańnie», — zajavili šatłandskija ŭłady.
U padtrymku svajoj inicyjatyvy Fini dadaŭ, što fizičnaje pakarańnie dziaciej pryznanaje niezakonnym ŭžo ŭ 52 krainach, i jaho prapanovy dazvolać dzieciam raści ŭ zdarovym asiarodździ i budavać bolš mocnyja adnosiny adno z adnym i z baćkami.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary