Deputat Dziarždumy ad ŁDPR Vasil Ułasaŭ źviarnuŭsia da ministra pracy i sacyjalnaj abarony Rasii Maksima Tapilina z prośbaj razhledzieć mahčymaść skaračeńnia praciahłaści pracoŭnaha tydnia hramadzian, jakija nie kurać, z 40 da 35 hadzin, paviedamlaje TASS.
Ułasaŭ u svaim zapycie nahadvaje, što ekanamičnyja straty Rasii z-za kureńnia składajuć kala troch adsotkaŭ VUP. Samy małady deputat Dziarždumy miarkuje, što orhany dziaržaŭnaj ułady pavinny raspracavać mietady stymulavańnia hramadzian admaŭlacca ad kureńnia.
«U dadzienym vypadku možna zapazyčyć dośvied raźvićcia pracoŭnaha zakanadaŭstva krain Jeŭropy, jakija iduć pa šlachu pradastaŭleńnia vialikich sacyjalnych harantyj i pamianšeńnia pracoŭnaha času», — ukazaŭ Ułasaŭ. «U dadzieny momant mnoju prapracoŭvajecca inicyjatyva ab uviadzieńni 35-hadzinnaha pracoŭnaha tydnia dla rabotnikaŭ, jakija nie kurać», - paviedamiŭ deputat.
Jon ličyć, što takaja miera stanoŭča adabjecca i na ekanomicy krainy, i na zdaroŭi nasielnictva.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary