Alaksandr Łukašenka siońnia ŭ čas rabočaj sustrečy sa staršynioj Centrvybarkama Lidzijaj Jarmošynaj padtrymaŭ prapanovu pryznačyć vybary ŭ miascovyja Saviety deputataŭ na 18 lutaha 2018 hoda, paviedamlaje BiełTA
Hałoŭnaj temaj sustrečy stali pytańni praviadzieńnia vybaraŭ u miascovyja Saviety deputataŭ 28-ha sklikańnia. «Dla mianie hałoŭnaje — vyznačycca z dataj, finansavańniem i prajektam ukaza, jaki pavinien być padpisany. Ja miarkuju, što siaredzina lutaha, moža, navat i 18-je, jak my heta abmiarkoŭvali, budzie narmalna. Usio ž taki luty — bolš spakojny miesiac», — skazaŭ Alaksandr Łukašenka.
Zakranajučy finansavańnie vybaraŭ, jon padkreśliŭ nieabchodnaść bieražlivaha raschodu srodkaŭ. Na jaho dumku, zekanomić možna za košt piśmiennaha padychodu da arhanizacyi učastkaŭ. «Kali heta ŭčastak u škole, značyć, treba zrabić uzorny ŭčastak u škole. Kali heta ŭčastak u kłubie, značyć, zrabić uzorny ŭčastak u kłubie. Usio ž taki tam ža asnoŭnaja «kuchnia». My pastarajemsia heta zrabić za košt taho, što ŭ nas, u pryncypie, usio hatova z tych vybaraŭ, kab ni skryni nie vykidali, ni kabinki — usio heta jość na miescy», — adznačyŭ kiraŭnik dziaržavy.
Łukašenka taksama padkreśliŭ, što ŭłada stvoryć usie ŭmovy dla praviadzieńnia vybaraŭ na hodnym uzroŭni. «Chavać ničoha nie budziem. Chto hatovy iści na vybary, chaj idzie, - skazaŭ jon. - Usie ŭzroŭni ŭłady buduć pracavać u tym kirunku, u jakim Centrvybarkam akreślić, jak heta i było zaŭsiody».
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary