U pošukach sa źnikłaj u Atłantycy padvodnaj łodkaj «San-Chuan» skłałasia «krytyčnaja situacyja». Pra heta zajaviŭ aficyjny pradstaŭnik VMS Arhienciny Enrykie Balbi.
Jon padkreśliŭ, što času na toje, kab znajści padvodnikaŭ žyvymi, u tym vypadku, kali ich padłodka patanuła, zastajecca krytyčna mała. «My znachodzimsia ŭ krytyčnaj situacyi i čas idzie na hadziny», — skazaŭ Balbi. Jak tłumačyć vydańnie, u tym vypadku, kali padłodka zastajecca na dnie akijana, zapasy kisłarodu u 44 marakoŭ na bort užo padychodziać da kanca.
Zaraz ratavalnikam udałosia pravieryć bolš za 500 tys. kv km. vodnaj pavierchni, adnak hetyja pošuki ni da čaho nie pryviali.
Submaryna «San-Chuan», na borcie jakoj znachodziacca 44 maraki, pierastała vychodzić na suviaź 15 listapada. Jaje pošuki viaducca ŭ paŭdniovaj Atłantyki, na adlehłaści da tysiačy kiłamietraŭ ad uźbiarežža krainy. Dapamohu ŭ pošukavaj apieracyi Arhiencinie akazvajuć 13 krain, u tym liku ZŠA, Brazilija, Vialikabrytanija i Čyli. U pošukach zadziejničany 4 tys. čałaviek i kala 30 samalotaŭ i sudoŭ.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary