Vykankam Asacyjacyi «Biełaruskaja fiederacyja futboła» na svaim pasiadžeńni 23 listapada nie staŭ pazbaŭlać BATE troch bałaŭ u čempijanacie.
Nahadajem, što BATE straciŭ try bały za toje, što ŭ zajaŭcy na matč sa «Słuckam» byŭ raniej dyskvalifikavany hałkipier Siarhiej Vieramko (i tam sprava była pra apłačany/nieapłačany štraf). Potym barysaŭski kłub padaŭ apielacyju na rašeńnie. Try bały kłubu viarnuli. Ciapier, atrymlivajecca, była padadziena apielacyja na apielacyju.
Turnirnaja tablica zachavała raniejšy vyhlad:
BATE — 67, Dynama Minsk — 65, Šachcior — 65.
U apošnim tury ŭsie hetyja kamandy zhulajuć u haściach: BATE ŭ Haradziei. «Dynama» — u Viciebsku, a «Šachcior» — u Hrodnie.
Ale barysaŭskamu kłubu, kab stać čempijonam, dastatkova nabrać adzin bał. BATE — 13-cirazovy čempijon krainy, pryčym z 2006 hoda — niaźmienny.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina18
Kamientary