Выканкам Асацыяцыі «Беларуская федэрацыя футбола» на сваім пасяджэнні 23 лістапада не стаў пазбаўляць БАТЭ трох балаў у чэмпіянаце.
Нагадаем, што БАТЭ страціў тры балы за тое, што ў заяўцы на матч са «Слуцкам» быў раней дыскваліфікаваны галкіпер Сяргей Верамко (і там справа была пра аплачаны/неаплачаны штраф). Потым барысаўскі клуб падаў апеляцыю на рашэнне. Тры балы клубу вярнулі. Цяпер, атрымліваецца, была пададзена апеляцыя на апеляцыю.
Турнірная табліца захавала ранейшы выгляд:
БАТЭ — 67, Дынама Мінск — 65, Шахцёр — 65.
У апошнім туры ўсе гэтыя каманды згуляюць у гасцях: БАТЭ ў Гарадзеі. «Дынама» — у Віцебску, а «Шахцёр» — у Гродне.
Але барысаўскаму клубу, каб стаць чэмпіёнам, дастаткова набраць адзін бал. БАТЭ — 13-ціразовы чэмпіён краіны, прычым з 2006 года — нязменны.
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары