Prezident ZŠA Donald Tramp ŭ sieradu, 6 śniežnia, abvieścić, što pryznaje Ijerusalim stalicaj Izraila. Pra heta zajaviŭ na śpiecyjalnym bryfinhu vysokapastaŭleny pradstaŭnik Biełaha doma, paviedamlaje The New York Times.
Čynoŭnik taksama patłumačyŭ, što Bieły dom vyrašyŭ pieranieści ambasadu ZŠA ŭ Izraili z Tel-Aviva ŭ Ijerusalim. Adnak adbudziecca heta nie adrazu: Tramp padpiša ŭkaz ab adterminoŭcy pierajezdu pasolstva, bo dla hetaha kroku patrabujecca padrychtoŭka, a jaho realizacyja «zojmie hady».
Raniej 5 śniežnia ahienctva Bloomberg paviedamiła, što Tramp u telefonnaj razmovie z kiraŭnikom Paleściny Machmudam Abasam abviaściŭ, što hatovy pieranieści amierykanskaje pasolstva ŭ Ijerusalim. Akramia taho, Tramp painfarmavaŭ ab hetym namiery kiraŭnikoŭ jašče niekalkich dziaržaŭ Blizkaha Uschodu.
Paśla hetaha Abas, prezident Jehipta Abdelfatach As-Sisi, karol Iardanii Abdała II, pradstaŭniki Saudaŭskaj Aravii papiaredzili Trampa, što hetaje rašeńnie pryviadzie da destabilizacyi situacyi ŭ rehijonie i vykliča abureńnie musulman va ŭsim śviecie. Vystupajučy pierad parłamientam Turcyi, prezident Redžep Erdahan nazvaŭ rašeńnie ZŠA pa Ijerusalimie «čyrvonaj linijaj» i pryhraziŭ razryvam dypłamatyčnych adnosin ź Izrailem.
Pavodle daŭniaha rašeńnia AAN, Zachodni Ijerusalim mieŭ stać stalicaj Izraila, a Uschodni — Paleściny. Adnak Izrail u vyniku šerahu vojnaŭ akupavaŭ uvieś horad i nadaŭ jamu status stalicy. Ijerusalim ličać «śviatym horadam» adnačasova judziei, chryścijanie i musulmanie.
Śviatyni habrejaŭ — Chramavaja hara i zachodniaja ściana Ijerusalimskaha chrama, Ściana płaču. U musulman — miačeci na Chramavaj hary, ź jakoj źviazanyja vidziežy praroka Muchamieda. Dla chryścijan Ijerusalim — miesca ŭkryžavańnia i ŭvaskrasieńnia Isusa.
***
Na telehram-kanał «Našaj Nivy» možna padpisacca tut.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary