Pchieńjan papiaredziŭ, što budzie rasceńvać lubyja sproby Štataŭ i ich sajuźnikaŭ arhanizavać marskuju błakadu jak «abviaščeńnie vajny». Raniej Vašynhton kazaŭ pra takuju mahčymaść na fonie novych rakietnych vyprabavańniaŭ u KNDR.
Paŭnočnaja Kareja ŭ niadzielu, 10 śniežnia, vystupiła z čarhovymi pahrozami ŭ adras Złučanych Štataŭ na fonie razmoŭ ab mahčymaj marskoj błakadzie. Pchieńjan papiaredziŭ, što budzie rasceńvać taki krok jak «avbviaščeńnie vajny». Pra heta paviedamlaje paŭdniovakarejskaje ahienctva Yonhap sa spasyłkaj na zajavu, apublikavanuju ŭ haziecie kirujučaj Pracoŭnaj partyi KNDR Rodong Sinmun.
«My budziem razhladać marskuju błakadu Złučanych Štataŭ i ich paśladoŭnikaŭ jak akt hvałtu suprać śviaščennaha suvierenitetu i hodnaści Respubliki Kareja i jak jašče adno publičnaje abviaščeńnie vajny», - havorycca ŭ zajavie.
«Kali my ŭbačym choć niejki ruch, nakiravany na ŭstalavańnie marskoj błakady, my pavinny być hatovyja da našaha nieadkładnaha i biaźlitasnaha abarončaha adkazu», - adznačajecca ŭ zajavie.
Yonhap adznačaje, što papiaredžańnie prahučała paśla niadaŭniaj zajavy Dziaržsakratara ZŠA Reksa Tylersana, jaki zhadaŭ pra «prava na zabaronu na pieravozku hruzaŭ pa mory» ŭ nakirunku KNDR i nazad. Zajava Tylersana prahučała paśla taho, jak Pchieńjan 28 listapada pravioŭ čarhovyja rakietnyja vyprabavańni.
Ciapier čytajuć
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci6
Kamientary