20 listapada ŭ Homielskuju abłasnuju kliničnuju balnicu byŭ špitalizavany 13-hadovy padletak z dyjahnazam «vostraje atručvańnie nieŭdakładnienym rečyvam».
Supracoŭniki milicyi zacikavilisia situacyjaj. Vyśvietliłasia, što za dva dni da špitalizacyi padletak viarnuŭsia z futbolnaj treniroŭki i paskardziŭsia maci na bol u žyvacie. Pračnuŭšysia ranicaj nastupnaha dnia, syn iznoŭ raspavioŭ mamie pra svaju prablemu, pałovu dnia prabyŭ doma, a potym znoŭ pajšoŭ na treniroŭku. Viečaram bol staŭ vastrejšym, chłopiec doŭha nie moh zasnuć. A ŭnačy jaho maŭleńnie stała nievyraznym, pačalisia halucynacyi. I tolki ranicaj chłopčyka dastavili ŭ miedycynskuju ŭstanovu.
Akazvajecca, na praciahu dvuch dzion, kab źniać bolevy sindrom, maci chłopčyka zajmałasia samalačeńniem. U chod išli raznastajnyja preparaty, źviazanyja sa zdymańniem bolu roznych vidaŭ, a taksama suprać dyjarei. Potym da lekavańnia padklučyłasia babula. «Vopytnaja» znacharka rychtavała travianyja advary na asnovie korania kałhana. A paśla taho, jak u dziciaci pačalisia halucynacyi, užyvalisia preparaty dla lačeńnia zaikańnia i cikaŭ, paviedamiła milicyja.
Dziakujučy ekstrannaj miedycynskaj słužbie padletka pastavili na nohi. Pieršapačatkovyja analizy pakazali, što vostraje atručvańnie vyklikana daloka nie narkatyčnymi rečyvami, a miedykamientami. Kančatkovuju kropku ŭ hetaj spravie pastaviać dadzienyja ekśpiertnych daśledavańniaŭ.
Ciapier čytajuć
Što Babaryka i Kaleśnikava adkazali na pytańni pra vajnu100
Kamientary