U kaviarni «Hraj» (vuł. Internacyjanalnaja, 33) a 17-j — prezientacyja novaj knihi Śviena Nurdkvista «Kaladnaja kaša» pa-biełarusku.
U Šviecyi na Kalady dzieci čakajuć Kaladnaha Hnoma i hatujuć jamu admysłovuju kaladnuju kašu z rysu i małaka. Ale hnomy, jak i Dziady Marozy, byvajuć sapraŭdnymi i nie. Sapraŭdnych hnomaŭ nichto nie bačyć, ale mienavita jany dapamahajuć ludziam i viedajuć pra ich usio. Kožnyja Kalady hnomy vielmi čakajuć svajho kaladnaha pačastunku. Što moža zdarycca, kali ludzi zabyvajuć pačastavać hnomaŭ kaladnaj kašaj, vy daviedajeciesia z knihi Svena Nurdkvista «Kaladnaja kaša»…
Uryvak z novaj knihi papularnaha šviedskaha aŭtara pračytaje i zaśpiavaje svaje pieśni dla dzietak Źmicier Vajciuškievič. Možna budzie častavacca sapraŭdnaj šviedskaj kaladnaj kašaj, pić kakavu, słuchać kazku i zabaŭlacca.
Pierakładčyca hetaj i inšych sučasnych šviedskich dziciačych knih Nadzieja Kandrusievič raspaviadzie pra svaju pracu i adkaža na pytańni.
Na mierapryjemstvie taksama budzie prezientavany zbornik aŭdyjoknih pa tvorach Svena Nurdkvista «Petsan i Findus» na troch CD — usie historyi viadomaha šviedskaha aŭtara (9 knih) pra pryhody staroha Petsana i jahonaha katka Findusa ŭ ahučcy pa-biełarusku Hanny Chitryk i Paŭła Charłančuka.
Pačatak 21 śniežnia (čaćvier) a 17-j hadzinie. Uvachod volny!
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary