Startavaŭ novy siezon štohadovaj premii «Debiut» imia Maksima Bahdanoviča, što prysudžajecca ŭ troch naminacyjach: «Proza», «Paezija» i «Mastacki pierakład». Sioleta ŭ žury ŭvajšli:
Ihar Babkoŭ — paet, prazaik, fiłosaf, łaŭreat premii Hiedrojca 2014 hodu;
Michał Baranoŭski — paet, łaŭreat premii «Debiut» u 2017 hodzie;
Pavał Bierahovič — staršynia fondu «Viartańnie», fundatar premii;
Maryna Viesiałucha — litaraturny krytyk, žurnalistka;
Siarhiej Dubaviec — piśmieńnik, žurnalist, łaŭreat premii «Załaty apostraf» 2015 hodu;
Maryja Martysievič — paetka, pierakładčyca, prazaik;
Usievaład Ścieburaka — paet, prazaik, łaŭreat premii «Załaty apostraf» 2004 hodu;
Dla ŭdziełu ŭ konkursie treba da 31 studzienia 2018 hodu dasłać zajaŭku. Dla hetaha nieabchodna zapoŭnić elektronnuju formu albo napisać na elektronnuju skryniu info@pen-centre.by ci na paštovy adras: 220005, Minsk, vuł. Załataja Horka, 2-101. Da zajaŭki nieabchodna dałučyć elektronnuju viersiju knihi, a taksama pieradać na ofis Biełaruskaha PEN-centra (Minsk, vuł. Załataja Horka, 2-101) 2 asobniki knihi, kali jana vychodziła ŭ papiarovym varyjancie.
Da razhladu prymajucca debiutnyja knihi, napisanyja na biełaruskaj movie ci pierakładzienyja na jaje. Uzrost aŭtara abo pierakładčyka — da 35 hadoŭ na momant vydańnia.
Pieramožca premii ŭ kožnaj naminacyi atrymaje ŭznaharodu, ekvivalentnuju 2000 dalaraŭ. Taksama žury moža pryniać rašeńnie pra ŭručeńnie zaachvočvalnych pryzoŭ, ekvivalentnych 500 dalaram. Kolkaść zaachvočvalnych pryzoŭ vyznačajecca žury.
Premija «Debiut» imia Maksima Bahdanoviča ŭručajecca z 2011 hoda. Siarod papiarednich pieramožcaŭ premii — Vital Ryžkoŭ, Hleb Łabadzienka, Anton Francišak Bryl, Viktar Marcinovič, Andrej Adamovič, Hanna Jankuta, Kaciaryna Oaro, Dźmitry Dźmitryjeŭ, Kaciaryna Macijeŭskaja, Alaksiej Pałačanski, Taćciana Niadbaj, Anatol Ivaščanka, Śviatłana Rohač, Andruś Horvat i inš.
Arhanizatary premii: dabračynny fond «Viartańnie», Biełaruski PEN-centr, Sajuz biełaruskich piśmieńnikaŭ.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary