Zaŭvažnych śladoŭ paškodžańniaŭ na ciele znojdzienaj učora miortvaj u lesapałasie ŭ Frunzienskim rajonie Minska nastaŭnicy ź Miadzieła nie nazirajecca, — paviedamiła siońnia pradstaŭnica Śledčaha kamitetu Julija Hančarova, piša Biełta.
«Cieła dziaŭčyny znajšła jaje znajomaja ŭ Frunzienskim rajonie stalicy. Asoba paćvierdžanaja, niama anijakich sumnievaŭ, što heta mienavita źnikłaja bieź viestak žycharka Miadzieła. Apošni raz jaje bačyli ŭ Minsku 16 listapada. Zaraz praanalizavanyja zapisy z kamier videanazirańnia ŭ tych miescach, dzie jana była, pryznačanaja sudova-miedyčnaja ekśpiertyza. Pryčyna śmierci pakul nie nazyvajecca. Ekśpierty atrymali ŭsie nieabchodnyja ŭzory dla analizaŭ, čakajem ad ich infarmacyi», — skazała Julija Hančarova.
Śledstvam ustanoŭlena, što Alaksandra Chutrenka, pryjechaŭšy ŭ Minsk 16 listapada, nakiravałasia da svajoj siabroŭki. Hetaja siabroŭka potym pryjazdžała ŭ Miadzieł i raspaviała supracoŭnikam milicyi, što Alaksandra pakinuła ŭ jaje svaje rečy. Ale dziaŭčaty pasvarylisia, i Alaksandra Chutrenka syšła, nie skazaŭšy kudy i nie paviedamiŭšy pra svaje płany.
Zahinułaja nastaŭnica rodam z Žabinki Bresckaj vobłaści. Na Viciebščynie jana skončyła piedahahičny kaledž i ŭ vieraśni pryjechała ŭ Miadzieł pracavać pa raźmierkavańni. Vykładała anhlijskuju movu ŭ miadzielskaj SŠ №1. Zdymała pakoj. U listapadzie jana pierastała vychodzić na pracu, 15-ha zvolniłasia sa škoły, 16-ha źjechała ŭ Minsk u pošukach novaj pracy. Paśla hetaha jaje miescaznachodžańnie było nieviadomym. 30 śniežnia joj pavinna było spoŭnicca 20 hod.
***
Na telehram-kanał «Našaj Nivy» možna padpisacca tut.
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary