Hienprakuror: Jość sens padumać pra ŭviadzieńnie paniaćcia «kryminalnaja pravinnaść»
Pytańnie ab zamacavańni paniaćcia «kryminalnaja pravinnaść» u KK «zasłuhoŭvaje ŭvahi», miarkuje hienieralny prakuror Alaksandr Kaniuk.
— Jašče kryminalisty nie pryjšli da adzinaj dumki, ale ja taksama liču, što hetaje pytańnie zasłuhoŭvaje ŭvahi, — zajaviŭ Alaksandr Kaniuk, adkazvajučy na pytańnie pra ŭviadzieńnie paniaćcia «kryminalnaja pravinnaść». — Jość taki rod kryminalnych spraŭ, małaznačnych, jakija, z punktu hledžańnia prava, možna razhladać nie jak złačynstva. Bo, kali čałaviek ździajśniaje złačynstva, u jaho surjozna źmianiajecca sacyjalny status. Heta na ŭsio žyćcio. Z hetaha punktu hledžańnia, moža być, jość sens padumać pra heta.
Nahadajem, Rada pa pytańniach pravavoj i sudovaj dziejnaści pry prezidencie zaćvierdziła płan raboty na 2018 hod. Pieršaje vyniesienaje pytańnie — nieabchodnaść zamacavańnia ŭ KK paniaćcia «kryminalnaja pravinnaść». Da kryminalnych pravinnaściaŭ u inšych krainach adnosiać złačynstvy nievialikaj ciažkaści (drobny kradziež, abrazu, naniasieńnie lohkich cialesnych paškodžańniaŭ). čałavieka, jaki ździejśniŭ taki pastupak, sudziać u sproščanym režymie, jamu nie mohuć pryznačyć pakarańnie ŭ vyhladzie pazbaŭleńnia voli, a samaje hałoŭnaje — jon nie budzie ličycca sudzimym.
Kab nie płacić padatak na sabak, minčuki pačali zdavać ich u punkty adłovu25
Kamientary