U haradskim pasiołku Kamaryn Brahinskaha rajona voŭk napaŭ na dvuch mužčyn, paviedamiŭ BIEŁTA aficyjny pradstaŭnik UUS Homielskaha abłvykankama Vital Prystromaŭ.
Paviedamleńnie pra toje, što žyvioła, padobnaja na vaŭka, napała na mužčynu na aŭtastancyi ŭ centry pasiołka, pastupiła milicyjantam 2 studzienia ŭ 6.30. Źvier ukusiŭ viaskoŭca za ruku i ŭciok. Zapisy z kamier videanazirańnia pakazali, što heta byŭ sapraŭdy voŭk.
Praz 40 chvilin u milicyju paviedamili, što žyvioła chodzić pa aŭtazapravačnaj stancyi na ŭskrajku pasiołka. Lasny źvier pierakuliŭ bak, a kali da handlovaj kropki padjechaŭ na rovary miascovy žychar, nakinuŭsia na jaho i ŭkusiŭ za ruku.
«Mužčyna pasprabavaŭ adbicca ad vaŭka. U niejki momant žyvioła adbiehłasia, i supracoŭnica AZS zmahła ŭpuścić paciarpiełaha ŭ pamiaškańnie. Voŭk pačaŭ drapać dźviery, ale potym syšoŭ u nieviadomym kirunku», — prakamientavaŭ Vital Prystromaŭ.
Na miesca zdareńnia prybyli supracoŭniki brahinskaj milicyi, palaŭničyja. Pračesvańnie miascovaści pravodziłasia da poźniaha viečara, adnak znajści vaŭka nie ŭdałosia. «U ciapierašni čas palaŭničymi prymajucca miery, kab abiasškodzić niebiaśpiečnuju žyviołu», — adznačyŭ aficyjny pradstaŭnik UUS.
Paciarpiełym mužčynam była akazana nieabchodnaja miedycynskaja dapamoha i ŭviedziena antyrabičnaja vakcyna.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary