Znachodziačysia z pracoŭnaj pajezdkaj u Hdańsku, Śviatłana Cichanoŭskaja ŭ pierapynku pamiž inšymi važnymi spravami naviedała punkt prodažu šaŭrmy Kolejny kebab («Čarhovy kiebab»), jaki ŭtrymlivajuć miascovyja biełarusy.
Cichanoŭskuju sami ŭładalniki praz Threads zaprasili naviedać ich miesca, i jana na zaprašeńnie adhuknułasia.
Cichanoŭskaja znachodzicca ŭ Hdańsku na zaprašeńnie arhanizataraŭ Ukraine Recovery Conference — važnaj mižnarodnaj kanfierencyi, pryśviečanaj adnaŭleńniu i madernizacyi Ukrainy.
Jana ŭdzielničaje ŭ plenarnaj siesii vysokaha ŭzroŭniu, a taksama pravodzić sustrečy ź jeŭrapiejskimi i amierykanskimi palitykami i dypłamatami. U centry razmoŭ — pytańni biaśpieki, padtrymki Ukrainy, rola Biełarusi ŭ rehijonie, asabliva ŭ śviatle apošnich padziej u biełaruska-ŭkrainskich adnosinach i papiaredžańnia, jakoje prezident Ukrainy Uładzimir Zialenski nakiravaŭ režymu Łukašenki.
A ŭ pierapynkach pamiž hetymi važnymi spravami Cichanoŭskaja pry nahodzie padtrymlivaje i miascovuju biełaruskuju dyjasparu.
Cichanoŭskaja ŭdzielničaje ŭ Kanfierencyi pa adnaŭleńni Ukrainy ŭ Hdańsku, na jakuju nie pajechaŭ Zialenski
Cichanoŭskaja: Pratest 2020 hoda byŭ razhromleny z brutalnaj siłaj i teroram. Ale nie sama supolnaść
Cichanoŭskaja: Łukašenka pavinien uśviadomić: usia adkaznaść za mahčymyja nastupstvy dla krainy budzie lažać na im
Kamientary