Stała viadoma, što ŭ karcinu Rembranta XVII stahodździa niechta ŭnosiŭ źmieny
Restaŭratary vyjavili nieviadomyja źmieny na karcinie XVII stahodździa, jakuju prypisvajuć Rembrantu. Padčas daśledavańnia raboty «Puścicie dziaciej prychodzić da Mianie» vyśvietliłasia, što paźniej niechta ŭnios istotnyja praŭki ŭ aryhinalny vyhlad karciny, piša The Guardian.
U pryvatnaści, adzin ź ciurbanaŭ, nadzietych na hałovy ludziej, byŭ pieramalavany ŭ tradycyjny hałandski kapialuš. Taksama śpiecyjalisty zaŭvažyli, što fihura adnaho ź dziaciej była častkova prykrytaja adzieńniem, chacia pieršapačatkova jana mahła być namalavana aholenaj.
Pavodle ekśpiertaŭ, hetyja źmieny, vierahodna, zrabiŭ inšy mastak, kab zrabić siužet bolš «prymalnym» dla tahačasnych hledačoŭ i prybrać elemienty, jakija mahli vyklikać sprečki.
Karcina była znojdziena ŭ 2014 hodzie na niamieckim aŭkcyjonie, dzie jaje spačatku ličyli pracaj nieviadomaha niderłandskaha mastaka XVII stahodździa. Ciapier, paśla ekśpiertyzy, jaje prypisvajuć Rembrandu i rychtujuć da prodažu na aŭkcyjonie Sotheby's z acenkaj u niekalki miljonaŭ funtaŭ sterlinhaŭ.
Daśledčyki adznačajuć, što pieršapačatkovaja viersija tvoru mahła być bolš raznastajnaj i adkrytaj u sensie adlustravańnia ludziej roznych sacyjalnych i kulturnych hrup, što adpaviadała idejam talerantnaści, charakternym dla častki hałandskaha hramadstva taho času.
Muza Karatkieviča pakinuła ŭ spadčynu Pucinu kalekcyju na $2 miljardy. Akazałasia, tam padrobki i kopii
U Amsterdamie abjavili pra znachodžańnie raniej stračanaj karciny Rembranta
U Minsku byŭ svoj šedeŭr Albrechta Dziurera. Dzie jon ciapier?
Dva ŭnikalnyja partrety Rembranta pradadzienyja za $14 miljonaŭ. Dva stahodździ pra ich nichto nie pamiataŭ
Dom-muziej Rembranta ŭ Amsterdamie aryhinalnym sposabam pryvablivaje moładź
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary