Pavietranyja siły USU pra retranślatary ŭ Biełarusi: Ciapier rasijanam značna ciažej nanosić dakładnyja ŭdary
Mahčymaści rasijan dla naniasieńnia ŭdaraŭ ciapier istotna abmiežavanyja. Adklučeńnie retranślataraŭ u Biełarusi asłabiła ich mahčymaści kiravać dronami-kamikadze ŭ realnym časie. Pra heta raskazaŭ načalnik upraŭleńnia kamunikacyj Pavietranych sił USU Juryj Ihnat, paviedamlaje RBK-Ukraina.
Pavodle słoŭ Ihnata, rasijskija bieśpiłotniki nikudy nie dzielisia i praciahvajuć lotać, adnak ciapier rasijanam značna ciažej nanosić dakładnyja ŭdary.
Retranślatary, jakija byli raźmieščany ŭzdoŭž ukrainskaj miažy na biełaruskim baku, dazvalali pieradavać sihnał apierataru na vialikuju adlehłaść. Ciapier mahčymaści praciŭnika apieratyŭna kaardynavać svaje dziejańni ŭ hetych rehijonach istotna abmiežavanyja.
Ihnat adznačyŭ, što raniej dziakujučy apieratyŭnaj infarmacyi z retranślataraŭ rasijanie mahli adsočvać pieramiaščeńnie i źmianiać kaardynaty ŭdaraŭ prosta ŭ pracesie ataki.
«Majučy videakarcinku ŭ realnym režymie času, praciŭnik moža nanosić udary dronam navat pa ruchomych abjektach abo źmianiać kaardynaty atak», — padkreśliŭ jon.
U pryvatnaści, dziakujučy stabilnamu videasihnału rasijanie atakavali «šachiedami» ŭkrainskija ciahniki i mabilnyja ahniavyja hrupy.
19 červienia prezident Ukrainy Uładzimir Zialenski źviarnuŭsia da Alaksandra Łukašenki z patrabavańniem demantavać retranślatary, jakija Rasija vykarystoŭvaje dla naviadzieńnia dronaŭ. Zialenski zajaviŭ, što vykanać hetaje patrabavańnie treba na praciahu tydnia. Jon taksama papiaredziŭ, što kali Biełaruś hetaha nie zrobić, Ukraina likviduje retranślatary samastojna.
24 červienia Zialenski zajaviŭ, što retranślatary bolš nie pracujuć.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud33
Kamientary
[Zredahavana]