Pa infarmacyi, jakaja stała viadoma pravaabaroncam-«viasnoŭcam», u Śledčym izalatary №1 Minska znachodzicca nie šeść, a siem asobaŭ, prysudžanych da śmiarotnaha pakarańnia.
Jašče adzin prysud byŭ vyniesieny, mierkavana, Viciebskim abłasnym sudom ŭ minułym hodzie.
Viciebski pravaabaronca Pavieł Levinaŭ zdoleŭ adšukać dadatkovuju infarmacyju ab tym, što sapraŭdy Viciebskim abłasnym sudom 22 vieraśnia 2017 hoda byŭ vyniesieny śmiarotny prysud. Jon ustupiŭ u zakonnuju siłu 6 kastryčnika 2017 hoda. Hety prysud nie abskardžvaŭsia i nie apratestoŭvaŭsia.
Pavodle infarmacyi pravaabaroncaŭ, prysud byŭ vyniesieny za zabojstva sukamiernika.
Dahetul pravaabaroncam było viadoma pra šeść hramadzian, asudžanych da śmiarotnaha pakarańnia, niekatoryja ź jakich biespaśpiachova abskardzili prysudy ŭ Viarchoŭnym sudzie.
Heta žychar Mazyra Kirył Kazačok, jaki zimoj 2016 hoda zabiŭ dvaich ułasnych dziaciej, raniej nieadnojčy sudzimy žychar Naroŭli Aleś Michalenia, jaki ŭ sakaviku 2016 hoda zabiŭ susiedziaŭ-piensijanieraŭ. Jašče dvoje — Ihar Hieršankoŭ i Siamion Bieražny — fihuranty hučnaj spravy «čornych ryełtaraŭ».
A sioleta Minski haradski sud vynies dva śmiarotnyja prysudy minčanam Alaksandru Žylnikavu i Viačasłavu Sucharka za zabojstva maładoj pary ŭ Minsku i mužčyny ŭ Kałodziščach. Uviesnu ich prysudzili da pažyćciovaha źniavoleńnia, ale Viarchoŭny sud viarnuŭ spravu na pierahlad. Zaraz u ich zastałosia prava padać skarhu ŭ Viarchoŭny sud Biełarusi.
Pašpart Novaj Biełarusi pačnuć vydavać z 26 studzienia. Što viadoma i jak atrymać?34
Kamientary