Novaje vydańnie prahramy Belsat Music Live pryśviečanaje pamiaci adnaho z pačynalnikaŭ biełaruskaj rok-paezii.
24 studzienia pajšoŭ u inšy śviet Michał Aniempadystaŭ. Heta byŭ čałaviek nievierahodnaj enerhietyki, miakki, dalikatny, adukavany, šlachietny. Dziakujučy jamu i jahonym pieśniam šmat chto začaravaŭsia biełaruskaj movaj, muzykaj, historyjaj, kulturaj…
Michał — adzin z tych, chto pačaŭ biełaruskuju rok-paeziju. Svaje pieršyja teksty jon napisaŭ u siaredzinie 80-ch. Pieršuju jahonuju pieśniu vykanaŭ Ihar Varaškievič u składzie hurta «Bonda» u 1986-m. U 90-ch na jahonyja słovy šmat piesień zapisała Kasia Kamockaja i hurt «Novaje Nieba».
Svaje samyja dzivosnyja teksty pra nastaŭnika Rahojšu, Juzika, Kazika, Alicyju, Adelku dy inšych žycharoŭ ujaŭnaha mižvajennaha pamiežnaha miastečka ŭ siaredzinie 90-ch Michał ukłaŭ u «Narodny albom». Mienavita z «Narodnaha albomu» biare pačatak solnaja karjera Źmitra Vajciuškieviča. Michał prapanavaŭ maładomu muzyku, jaki tady vystupaŭ na bek-vakale ŭ hurcie «Pałac», vykanać numar «Arhientynskaje tanha».
U druhoj pałovie 90-ch u Michała Aniempadystava skłaŭsia plonny duet ź Lavonam Volskim. Pik ich supracy —«Narodny albom», da jakoha Michał napisaŭ teksty, a Lavon - muzyku.
Taksama jon napisaŭ jašče niekalki znakavych piesień dla hurtu IQ48. Adna ź ich — «Śviatło ŭ ciemry» stała hałoŭnym hitom hurta IQ48.
Hości admysłovaha vydańnia Belsat Music Live — Kasia Kamockaja, Źmicier Vajciuškievič i Lavon Volski — padzielacca ŭspaminami dy syhrajuć pieśni Michała.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary