Čarhovaja zajava ad pasła Surykava.
Pasoł Rasiei Alaksandar Surykaŭ nie vyklučaje, što cana rasiejskaha hazu dla našaj krainy ŭ 2009 hodzie moža skłaści kala $250 za 1000 m³.
«Kali hruba pa formule ciapier prykinuć, to cana hazu dla Biełarusi atrymlivajecca kala 250 dalaraŭ za 1000 m³,» — skazaŭ sp. Surykaŭ ahienctvu «Interfaks‑Zachad» u čaćvier u Miensku.
Jon nahadaŭ, što ŭ adpaviednaści z kantraktam cana hazu dla Biełarusi ŭ 2009 hodzie składzie 80 % ad cany pastavak hazu ŭ Polšču za vyniatkam ekspartnaha myta ŭ pamiery 30 %, a taksama z ulikam koštu tranzytu hazu ŭ Polšču j tranzytu hazu ŭ Biełaruś.
«Jakaja kankretna cana hazu dla Biełarusi budzie ŭ 2009 hodzie, ciapier skazać składana», — padkreśliŭ pasoł.
Surykaŭ prakamentavaŭ i zakładzienuju ŭ biełaruski biudžet na 2009 hod canu hazu na ŭzroŭni 140 dalaraŭ za 1000 m³: «Heta prava luboj dziaržavy, jakuju canu zakładać u raschodnuju častku biudžetu, značyć, buduć znojdzienyja niejkija resursy dla stabilizacyi».
Sioleta z 1 krasavika Biełaruś płacić za kubametar rasiejskaha hazu 129 dalaraŭ, pryčym na pačatku hodu cana była mienšaj — 119 dalaraŭ. Sioleta Biełaruś kupić 21,2 miljarda kubametraŭ hazu.
Tema pastavak hazu budzie adnoj z hałoŭnych padčas zaplanavanaha na 6 kastryčnika vizytu ŭ Miensk premjer‑ministra Rasiei Ŭładzimiera Pucina.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary