Pucin prapanavaŭ sfarmavać valutny puł ź Biełaruśsiu i pašyryć raźliki ŭ rasijskich rublach. Krynica va ŭradzie Rasii taksama zajaviła, što Maskva hatovaja padpisać damovu pra adzinuju hrupoŭku SPA da kanca hodu. Ahienctva BIEŁTA ni słovam nia zhadvaje pra ŭsio heta.
Pucin prapanavaŭ sfarmavać valutny puł ź Biełaruśsiu i pašyryć raźliki ŭ rasijskich rublach. Krynica va ŭradzie Rasii taksama zajaviła, što Maskva hatovaja padpisać damovu pra adzinuju hrupoŭku SPA da kanca hodu. Takimi stali samyja jarkija momanty biełaruska-rasijskich pieramovaŭ u stalicy Biełarusi ŭ paniadziełak. Ahienctva BIEŁTA ni słovam nia zhadvaje pra ŭsio heta.
Zatoje ahienctva ščodra cytuje vykazvańni A. Łukašenki nakont taho, što «sajuznym adnosinam Rasii i Biełarusi nieabchodna nadać dadatkovy impuls».
«My možam kanstatavać, što ŭsio ŭ cajuznaj dziaržavie idzie tak, jak i pavinna być: cicha, zvyčajna, nieprymietna, — skazaŭ jon. — Ale ŭsio ž jość peŭnaje niedastatkovaje razumieńnie z boku našych hramadzian. Ludzi čakajuć niečaha bolš peŭnaha».
«Sustrakajučysia z vašym prezidentam, ja prapanavaŭ taki varyjant: nam treba ŭziać niekalki surjoznych dvuchbakovych prajektaŭ. Surjoznych, ale dasiahalnych, peŭnych», — adznačyŭ kiraŭnik biełaruskaj dziaržavy. — «Heta pavinny być takija prajekty, pra jakija my možam skazać: nie siahońnia, dyk zaŭtra my heta možam zrabić», — dadaŭ jon.
Jon padkreśliŭ, što adnosiny Biełarusi i Rasii «zaŭsiody buduć dobrymi. Sioj‑toj u ŚMI pačaŭ namiakać na toje, što Biełaruś byccam by pačynaje tarhavacca z Zachadam, — skazaŭ jon. — Ja ŭžo havaryŭ pradstaŭnikam Zachadu i havaru ciapier vam: my družbaj z ruskimi nie handlujem». Alaksandr Łukašenka padkreśliŭ: «Rasijanie — heta našy ludzi, ź jakimi ŭ nas zaŭsiody buduć zachoŭvacca takija adnosiny, jakija zdolny zabiaśpiečyć biaśpieku našych narodaŭ i dynamičnaje raźvićcio našych dziaržaŭ».
U svaju čarhu Uładzimir Pucin zajaviŭ, što Rasija hatova akazvać Biełarusi nieabchodnuju padtrymku, u tym liku padtrymku biełaruskaj finansavaj sistemy.
Premjer‑ministr RF zajaviŭ, što pravilnym budzie skancentravać administracyjnyja i finansavyja resursy na najbolš pierśpiektyŭnych prajektach. Pry hetym jon vykazaŭ pažadańnie, kab heta byli, pierš za ŭsio, prajekty ŭ śfiery vysokich technałohij.
Niama znakaŭ, što razmovy pra «čakańni narodaŭ» pierajšli ŭ płoskaść kankretnych krokaŭ. Najbolšych pośpiechaŭ dva režymy dasiahnuli va ŭnifikacyi palityčnych režymaŭ. Uładzimier Pucin nie praminuŭ pavinšavać Alaksandra Łukašenku ź niadaŭna praviedzienymi parlamenckimi vybarami, na jakich naziralnikaŭ nie padpuskali da padliku hałasoŭ:
«Pavodle našych acenak jany prajšli na vysokim arhanizacyjnym i palityčnym uzroŭni. Upeŭnieny, što my zmožam i ŭ dalejšym paśpiachova vyrašać usie pytańni, jakija ŭźnikajuć u adnosinach Rasiei i Biełarusi, jak na ŭzroŭni vykanaŭčaj ułady, tak i zakanadaŭčaj».
Jak kaža adna rasiejskaja bajka, ziaziula chvalić pieŭnika. I druhaja prykazka: žyvo predańnie, dy vierycca z trudom.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda4
Kamientary