Bietonny most u Minsku ŭmacavali draŭlanymi kanstrukcyjami FOTA
Minčuki źviarnuli ŭvahu na toje, što most praź Śvisłač pa praśpiekcie Mašerava (pavarotka na Daŭmana i praśpiekt Pieramožcaŭ) padpiorty draŭlanymi kanstrukcyjami. Radyjo Svaboda zapytałasia ŭ staličnych kamunalnikaŭ, što zdaryłasia z mostam.
Most praź Śvisłač pa praśpiekcie Mašerava, fota «Radyje Svaboda».
Dyrektar kamunalnaha ramontna-ekspłuatacyjnaha ŭnitarnaha pradpryjemstva «Haraŭtamost» (uvachodzić u abjadnańnie «Harramaŭtador Minharvykankama») Valery Ułasievič skazaŭ karespandentu Svabody, što bietonnyja plity mosta padpiertyja zhodna z zaklučeńniem instytuta «BiełdarNDI».
«Most nie razvalvajecca. Heta zroblena prosta ŭ metach umacavańnia», — skazaŭ Valery Ułasievič.
Na pytańnie, u čym sens techničnaha zaklučeńnia, Valery Ŭłasievič skazaŭ, što «takuju infarmacyju davać nie maje prava».
Pavodle Valeryja Ułasieviča, pa hetym moście «jeździć biaśpiečna».
Fota «Radyjo Svaboda».
Načalnik upraŭleńnia infarmacyi «BiełdarNDI» Kaciaryna Hryb taksama admoviłasia paviedamić źmiest zaklučeńnia, zroblenaha instytutam adnosna mostu.
«Vam treba źviartacca ŭ Minharvykankam, bo my nakiravali hety dakumient u Minharvykankam i jon źjaŭlajecca ŭłaśnikam hetaha dakumienta».
Ciaham apošnich miesiacaŭ Ministerstva transpartu i kamunikacyj Biełarusi zaličyła ŭ šerah «avaryjnych kanstrukcyj» masty ŭ piaci haradach krainy.
-
Juraś Ziankovič bolš nie palitviazień? Na ANT jon pradstaŭleny jak «amierykanski advakat, palitołah, ekśpiert»
-
Pryciahnieńnie mihrantaŭ dla pracy ŭ Biełarusi najbolš łabiruje Minsielhascharč
-
«Dzie jany pracujuć?» Kamunist Syrankoŭ budzie skardzicca ŭ prakuraturu i padatkovuju na Bondaravu i kampaniju
Va Ukrainie zahinuła 24-hadovaja biełaruskaja dobraachvotnica Maryja Zajcava12
Kamientary