Мінчукі звярнулі ўвагу на тое, што мост праз Свіслач па праспекце Машэрава (паваротка на Даўмана і праспект Пераможцаў) падпёрты драўлянымі канструкцыямі. Радыё Свабода запыталася ў сталічных камунальнікаў, што здарылася з мостам.
Дырэктар камунальнага рамонтна-эксплуатацыйнага ўнітарнага прадпрыемства «Гараўтамост» (уваходзіць у аб'яднаньне «Гаррамаўтадор Мінгарвыканкама») Валеры Уласевіч сказаў карэспандэнту Свабоды, што бетонныя пліты моста падпертыя згодна з заключэннем інстытута «БелдарНДІ».
«Мост не развальваецца. Гэта зроблена проста ў мэтах умацавання», — сказаў Валеры Уласевіч.
На пытанне, у чым сэнс тэхнічнага заключэння, Валеры Ўласевіч сказаў, што «такую інфармацыю даваць не мае права».
Паводле Валерыя Уласевіча, па гэтым мосце «ездзіць бяспечна».
Начальнік упраўленьня інфармацыі «БелдарНДІ» Кацярына Грыб таксама адмовілася паведаміць змест заключэння, зробленага інстытутам адносна мосту.
«Вам трэба зьвяртацца ў Мінгарвыканкам, бо мы накіравалі гэты дакумент у Мінгарвыканкам і ён з'яўляецца ўласнікам гэтага дакумента».
Цягам апошніх месяцаў Міністэрства транспарту і камунікацый Беларусі залічыла ў шэраг «аварыйных канструкцый» масты ў пяці гарадах краіны.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі20
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары