Pra heta staršynia ABSE, ministar zamiežnych spraŭ Finlandyi zajaviŭ na sustrečy ź biełaruskaj apazycyjaj.
Ministr zamiežnych spraŭ Finlandyi, dziejny staršynia ABSIE Alaksandar Stub na sustrečy ź biełaruskimi apazicyjnymi palitykami pryznaŭ, što parłamienckija vybary, jakija prajšli ŭ Biełarusi, nie adpaviadajuć standartam ABSIE.
Pra heta paviedamiŭ BiełaPAN lider Abjadnanaj hramadzianskaj partyi (AHP) Anatol Labiedźka. Sustreča prajšła viečaram 7 kastryčnika.
Pavodle słoŭ A. Labiedźki, A. Stub pryznaŭ, što vybary byli nie svabodnymi.
«Adnak pry hetym jon padkreśliŭ, što
palityka supracoŭnictva lepšaja za palityku izalacyi,i zaznačyŭ, što Jeŭropie lepš šukać kropki supracoŭnictva ź Biełaruśsiu, čym zachoŭvać palityku izalacyi», — skazaŭ A. Labiedźka.
«Alaksander Stub nie vielmi dobra viedaje Biełaruś. I tyja fakty nacisku na kandydataŭ u deputaty, na členaŭ ich inicyjatyŭnych hrup, jakija my pryviali, byli dla jaho vielmi karysnyja. Jany vyklikali, ja b skazaŭ, navat niekatory šok i vielmi emacyjanalnuju reakcyju», — zaznačyŭ A.Labiedźka.
Pavodle słoŭ palityka, na sustrečy byli abmierkavany pytańni admieny sankcyj z boku Jeŭrapiejskaha sajuza ŭ dačynieńni da biełaruskaha kiraŭnictva.
«My vykazalisia suprać tatalnaj admieny sankcyj. Ale adnačasova my zajavili pra toje, što sankcyi mohuć admianiacca kropkava i tolki na kankretny termin. Heta krok Jeŭropy ŭ bok Biełarusi, na jaki ŭłady pavinny adkazać svaimi krokami. Naprykład, źmianić vybarčaje zakanadaŭstva i pravaprymianialnuju praktyku, kab nastupnyja prezidenckija vybary prajšli pa demakratyčnych standartach. Kali biełaruskija ŭłady heta «chatniaje zadańnie» nie vykanajuć, možna viartacca da sankcyj», — skazaŭ A. Labiedźka.
Jak paviedamiŭ palityk, heta pazicyja znajšła razumieńnie ŭ A. Stuba.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym10
Kamientary