Narodny deputat Nadzieja Saŭčanka zaklikaje ŭkraincaŭ i vajskoŭcaŭ zrynuć «złačynnuju ŭładu Parašenki». Pra heta jana raspaviała paśla dopytu ŭ SBU, piša Ukrainskaja praŭda.
«Ciapier jość šmat vajskoŭcaŭ, jakija mianie čujuć, jakija zhadžajucca, što vajenny pieravarot va Ukrainie — heta dosyć čakanaja i, napeŭna, davoli pravilnaja padzieja», — skazała Saŭčanka.
Jana dadała, što takoha razumieńnia «niama ŭ kamandavańni, tam hulajuć pad uładu i pad Rasiju, i zabivajuć svoj narod».
«Ale jość šmat vajskoŭcaŭ, jakija razumiejuć, što adbyvajecca», — skazała Saŭčanka.
Jana abvinavaciła ŭkrainskuju ŭładu «ŭ złačynstvach suprać ukrainskaha naroda, va ŭsich tych śmierciach, jakija adbylisia za pieryjad dziejnaj złačynnaj ułady Parašenki».
«I ciapier ja zaklikaju ŭkraincaŭ: kali vy razumiejecie, što kali my zaraz nie adstaim prava na svajo žyćcio, na svaju volu, to vy budziecie žyć horš, čym u terarystyčnym tatalitarnym režymie Rasii», — skazała Saŭčanka.
Nardep nahadała, što ŭkraincy zaŭsiody ŭmieli paŭstavać.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»2
Kamientary