Navukoŭcy vyśvietlili, čamu pažyłyja ludzi časta zabyvajuć darohu dadomu
Stałyja ludzi časta zabyvajuć, dzie jany znachodziacca, i adčuvajuć składanaści z pošukami darohi dadomu praz parušeńni ŭ pracy asablivych kletak-«kaardynataraŭ» u skronievaj kary mozhu. Da takoj vysnovy pryjšli navukoŭcy, jakija apublikavali artykuł u časopisie Current Biology.
U 1971 hodzie navukoŭcy adkryli svojeasablivy «centr navihacyi» ŭ mozhu čałavieka i inšych mlekakormiačych. Macijas Štanhl, bijołah z univiersiteta Mahdeburha, razam z kalehami vykazaŭ zdahadku, što prablemy z aryjentacyjaj u prastory, na jakija časta skardziacca mnohija pažyłyja ludzi, uźnikajuć praz parušeńni ŭ pracy kaardynatnych niervovych kletak. Jany pravieryli hetuju ideju, nazirajučy za pracaj hetaj častki kary mozhu ŭ 20 maładych i pažyłych dobraachvotnikaŭ pry dapamozie MRT.
Padčas ekśpierymientu navukoŭcy nadziavali na paddoślednych akulary virtualnaje realnaści i prasili ich vybracca z składanaha łabirynta. Zatym prahrama pieramiaščała ich u advolnuju kropku ŭ łabiryncie, i ŭ dobraachvotnikaŭ źjaŭlałasia novaje zadańnie: jany musili peŭnym čynam acanić tuju adlehłaść, jakaja adździalała ich ad pačatku šlachu. Paraŭnoŭvajučy adkazy maładych i pažyłych udzielnikaŭ daśledavańnia, aŭtary artykuła sprabavali zrazumieć, jakija mienavita kletki «vinavatyja» u raźvićci niapamiatlivaści ŭ starych.
Jak pakazali hetyja prahułki ŭ virtualnym śviecie, maładyja ludzi sapraŭdy lepš spraŭlalisia z navihacyjnymi zadačami i chutčej znachodzili vychad. Prablemy pažyłych ludziej, u svaju čarhu, byli źviazany z tym, što ich kletki-«kaardynatary» pracavali nie tak, jak anałahičnaja častka «centra navihacyi» ŭ mozhu maładych dobraachvotnikaŭ.
Pa słovach niejrafizijołahaŭ, hetyja adroźnieńni byli ŭ tym, što łancužki navihacyjnych kletak horš pieradavali impulsy adno adnamu ŭ mozhu pažyłych ludziej, z-za čaho tyja chutčej zhasali.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy5
Kamientary