Viadučyja sieparatysckija partyi Katałonii ŭ čaćvier nie zdoleli vybrać byłoha aficyjnaha pradstaŭnika rehijanalnaha ŭrada Žordzi Turula na pasadu kiraŭnika aŭtanomii.
Levaradykalnaja partyja CUP, jakoj naležyć čatyry mandata, vyrašyła ŭstrymacca pry hałasavańni, u vyniku čaho 51-hadovy Turul nie zdoleŭ atrymać absalutnaj bolšaści. Za kandydaturu Turula prahałasavali 64 deputaty, 65 — suprać. Hałasavańnia papiaredničała šmathadzinnaja dyskusija.
Žordzi Turul źjaŭlajecca ŭžo trecim kandydatam na pasadu kiraŭnika Katałonii. Napiaredadni, 21 sakavika, stała viadoma, što Žordzi Sančes, što znachodzicca pad aryštam, źniaŭ svaju kandydaturu z vybaraŭ. Jašče raniej, u pačatku sakavika, ad pretenzij na pasadu prezidenta Katałonii «časova» admoviŭsia były kiraŭnik aŭtanomii — Karles Pučdemon, jaki chavajecca ŭ Bielhii.
Kamientary