«Biełtelekam» daŭ abanentam technalohii WLL šyrokapałosny dostup u net
Prajekt realizujecca sumiesna z apierataram sotavaj suviazi Diallog z vykarystańniem standarta CDMA‑2000 u dyjapazonie častot 450 MHc.
Z kastryčnika ŭsie abanienty technałohii WLL, jakaja dajecca «Biełtelekamam», mohuć padklučycca da šyrokapałosnaha dostupu ŭ interniet (handlovaja marka byfly). Kožnamu abanientu dastupnyja taryfnyja płany z pamiehabajtnaj taryfikacyjaj.
Aprača taho, paviedamlaje pres‑słužba «Biełtelekama», u śpis pasłuh uklučana ciapier i faksimilnaja suviaź. Raniej abanientam WLL stali dastupnyja dadatkovyja vidy absłuhoŭvańnia, što značna pašyryła pieralik pasłuh dla biespravodnaha abanienckaha dostupu.
Terminały WLL dazvalajuć zabiaśpiečyć našych abanientaŭ jak telefonnaj suviaźziu, hetak i dostupam u interniet na asnovie biespravodnych technałohij.
Dahavor na padklučeńnie da internieta i karystańnie faksimilnaj suviaźziu možna zaklučyć u apierataraŭ servisnych centraŭ «Biełtelekam».
Jak užo paviedamlałasia, za hod «Biełtelekam» padklučyŭ 25 tysiač abanientaŭ z dapamohaj technałohii WLL (Wireless Local Loop) — biespravodnaje padklučeńnie stacyjanarnaha telefona doma abo ŭ ofisie da fiksavanaj telefonnaj sietki z dapamohaj śpiecyjalnaha terminała. Technałohija prymianiajecca dla zabieśpiačeńnia abanientaŭ telefonnaj suviaźziu ŭ addalenych i ciažkadastupnych nasielenych punktach.
Prajekt realizujecca sumiesna z apierataram sotavaj suviazi Diallog z vykarystańniem standarta CDMA‑2000 u dyjapazonie častot 450 MHc. Padklučeńnie pieršych abanientaŭ pačałosia ŭ vieraśni 2007 hoda.
Respublikanskaje unitarnaje pradpryjemstva elektrasuviazi «Biełtelekam» stvorana 3 lipienia 1995 hoda. Ažyćciaŭlaje pieradaču źviestak pa kamutujemaj sietcy ahulnaha karystańnia, dostup da mižnarodnych i biełaruskich resursaŭ internieta, daje ŭ karystańnie mižnarodnyja ličbavyja patoki i kanały praktyčna luboj jomistaści, zabiaśpiečvaje roŭnyja ŭmovy pracy apierataraŭ mabilnaj suviazi Biełarusi šlacham padklučeńnia ich da mižnarodnaj stancyi, daje mižharodny i mižnarodny roŭminhi.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary