U Biełarusi nieŭzabavie pačnie pracu kampanija «Bielinkashrup», paklikanaja vyvieści z adkaznaści bankaŭ inkasatarskija pasłuhi.
Jaje zasnavalniki — Nacyjanalny bank (44% akcyj), «Biełarusbank» (49%) i «Biełahraprambank» (7%). Kiraŭnikom staŭ Andrej Paskanny.
Jak «Našaj Nivie» patłumačyli ŭ Nacbanku, rašeńnie było pryniata paśla razmovy Alaksandra Łukašenki z kiraŭnikom Nacbanka Paŭłam Kałaŭram.
«Dahetul u Biełarusi była adna śpiecyjalizavanaja kampanija, jakaja zajmała kala 20% rynku — heta daččynaja arhanizacyja «BPS-Śbierbanka». Joj stvoryć kankurencyju «Bielinkashrup» — abiedźvie hetyja kampanii buduć pamiž saboj kankuravać. Sens stvareńnia maje niekalki metaŭ: vyzvaleńnie Nacbanka ad funkcyj, jaki jamu nieŭłaścivyja. Pazbaŭleńnie ad dublavańnia adnolkavych funkcyj bujnymi bankami. Hetyja banki ŭ rehijonach mieli struktury, jakija vykonvali adnolkavyja funkcyi. Kali budzie stvorana «Bielinkashrup», jakoje budzie akazvać pasłuhi i inšym bankam, to ad takoha dublavańnia možna budzie admovicca», — patłumačyŭ pres-sakratar Nacbanka Alaksandr Cimašenka.
Razam z hetym «AAT «Niebankaŭskaja kredytna-finansavaja arhanizacyja «Bielinkashrup» atrymała prava pravodzić niekatoryja bankaŭskija apieracyi pavodle śpiecyjalnaha dazvołu — heta zroblena, kab raźniavolić banki.
Tak, «Bielinkashrup» zmoža pravodzić kasavaje i raźlikovaje absłuhoŭvańnie, valutnyja apieracyi, kuplu-prodaž kaštoŭnych mietałaŭ. Taksama arhanizacyja zmoža pradastaŭlać fizičnym i jurydyčnym asobam pasłuhi pa zachoŭvańni hrošaj, kaštoŭnych papier i mietałaŭ.
Dziejničać novaja struktura pačnie ŭžo sioleta: jak vynikaje z apublikavanych na pravo.by pastanovaŭ, da 15 žniŭnia 2018 hoda banki-zasnavalniki pavinny pieradać va ŭłasnaść «Bielinkashrup» niekatoruju nieruchomaść.
Tak, naprykład, u Minsku «Biełarusbank» pieradaść «Bielinkashrup» svoj papiaredni hałoŭny ofis na praśpiekcie Dziaržynskaha, 69-1 koštam u $10 miljonaŭ.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary