4 krasavika 2018 hoda a 17-aj hadzinie ŭ Respublikanskaj mastackaj halerei Biełaruskaha sajuza mastakoŭ (Pałac mastactva, vuł. Kazłova, 3) adbudziecca prezientacyja vystavy «Kod: 25.03.2018».
Vystava adbudziecca ŭ miežach śviatočnych mierapryjemstvaŭ, pryśviečanych 100-hodździu abviaščeńnia Biełaruskaj Narodnyj Respubliki. Farmat vystavy praduhledžvaje samy šyroki śpiektr sučasnych vyjaŭlenčych srodkaŭ biez abmiežavańnia času stvareńnia tvoraŭ.
Simvalična, što nazva vystavy ŭtrymlivaje ŭ sabie vielmi pašyrany i aktualny ŭ naš čas termin. U abahulenym sensie «kod» — uvachodnyja dadzienyja, jakija pradstaŭlajuć peŭnuju infarmacyju dla sčytvańnia ŭ zručnym i zrazumiełym dla atrymalnika vyhladzie. Aprača taho, z šerahu jaho vyznačeńniaŭ, «kod» — kambinacyja ličbaŭ i litar, što paznačaje peŭny abjekt dziela adroźnieńnia jaho ad inšych padobnych abjektaŭ. U navucy dobra viadomaje paniaćcie «hienietyčnaha kodu» — paśladoŭnaści zapisu kletkavaj infarmacyi, jakaja dazvalaje nam isnavać mienavita ŭ vyhladzie čałavieka. U kultury «kod» — taksama zašyfravanaja ŭ niejkaj formie infarmacyja, što identyfikuje kulturu jak unikalnuju. Kulturny kod vyznačaje nabor vyjaŭ, jakija złučany ź jakim-niebudź kompleksam stereatypaŭ u śviadomaści. Ale zbolšaha «kod» — heta kulturnaje nieśviadomaje. Nie toje, što zdajecca ci vyrazna ŭśviedamlajecca, a toje, što prychavana ad razumieńnia, ale vyjaŭlajecca va ŭčynkach. Kulturny kod nacyi dapamahaje razumieć refleksii jaho nośbitaŭ.
Dla kalektyŭnaha nieśviadomaha našaj nacyi 25.03.2018 — heta zusim nie šarahovaja paśladoŭnaść ličbaŭ na kalendary. Heta klučavy kod da ŭspaminaŭ pra tyja dramatyčnyja padziei, što ŭ sakaviku 1918 hoda zapuścili niezvarotny praces, vynikam jakoha i stałasia isnavańnie na sučasnaj mapie śvietu dziaržavy Respublika Biełaruś.
U vystavie, jakaja prapanujecca hledaču, biełaruskija mastaki roznych pakaleńniaŭ prademanstrujuć, što mary i ideały zasnavalnikaŭ Biełaruskaj Narodnaj Respubliki i siońnia, byccam pachodnia, aśviatlajuć ich šlach, matyvujučy na stvareńnie tvoraŭ, jakija, addajučy naležnuju daninu pavahi hieraizmu i samachviarnaści baćkoŭ-zasnavalnikaŭ BNR, nie tolki adlustroŭvajuć u toj ci inšaj formie padziei stohadovaj daŭniny, ale pa svajmu źmiestu źjaŭlajucca aktualnymi razvahami mastakoŭ ab składanaściach času, jaho novych sensach i vyklikach, budučym losie našaj krainy.
Termin praviadzieńnia vystavy:
z 4 pa 15 krasavika 2018 hoda, štodzień z 11.00 da 19.00.
Telefony dla daviedak:
(017) 288-15-49, (017) 290-60-10 — Respublikanskaja mastackaja halereja (Pałac mastactva)
(017) 296-67-84 — Biełaruski sajuz mastakoŭ.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach33
Kamientary