Zdareńnie adbyłosia 17 krasavika.
Dziŭnyja pavodziny pjanaha mužčyny, jaki ŭvieś čas aziraŭsia pa bakach, vyklikała padazreńnie ŭ piersanała handlovaha abjekta. Pradaŭščycy zaviali jaho ŭ bakoŭku i zapatrabavali pakazać kišeni. U adkaz mužčyna vychapiŭ nož i staŭ pahražać žančynam, paviedamlajuć Narodnyja naviny Viciebska.
Na dapamohu pradavačkam pryjšoŭ hruzčyk, jaki vybiŭ nož i skruciŭ chulihana. Potym padjechała milicyja.
— Svaje pavodziny piensijanier patłumačyŭ tym, što paśla dozy ałkaholu jamu zachaciełasia sałodkaha, i jon chacieŭ ściahnuć z kramy dva šakaładnyja batončyki, - raspaviali «NNV» va UUS Viciebskaha abłvykankama.
Dva hady tamu aršaniec užo byŭ asudžany za razboj, na volu jon vyjšaŭ zusim niadaŭna.
Kamientary