Złačynca da hetaje pary nia znojdzieny.
20 kastryčnika spaŭniajecca čatyry hady z dnia zabojstva Vieraniki Čarkasavaj - biełaruskaj žurnalistki, jakaja apošnija hady svajho žyćcia pracavała ŭ niedziaržaŭnaj haziecie «Salidarnaść».
Tym nie mienš, siamju Vieraniki dahetul turbujuć śledčyja. 8 kastryčnika maci Vieraniki Dyjanu Čarkasavu i ajčyma Uładzimira Mialešku vyklikali na dopyt u Pieršamajski RUUS h. Minska.
U toj ža dzień u ich kvatery z sankcyi prakurora Pieršamajskaha rajona byŭ praviedzieny pieratrus. U kvatery šukali, jak zajavili supracoŭniki RUUS, «zbroju, narkotyki, skradzienyja rečy». U vyniku pieratrusu ničoha nie zabrali. Na dopycie ŭ Dyjany Čarkasavaj i Uładzimira Mialeški raspytvali, dzie zaraz znachodzicca syn žurnalistki Anton Filimonaŭ.
«Anton zaraz žyvie za miažoj. Jon vymušany byŭ vyjechać, bo było vidavočna, što śledstva ŭsio roŭna viartajecca da jaho ŭvieś čas jak da hałoŭnaha «kandydata na padazravanaha». Čatyry hady jany nie šukali sapraŭdnych złačyncaŭ, a rychtavali hlebu dla taho, kab źviazać zabojstva Vieraniki z Antonam», — ličyć Dyjana Čarkasava, maci Vieraniki.
«My čatyry hady tamu stracili dačku, a ciapier faktyčna zhubili ŭnuka, ź jakim nie možam navat padtrymlivać narmalnuju suviaź.I ŭ takoj situacyi «vizity» ź pieratrusami i vykliki na dopyty vyhladajuć ździekam sa starych ludziej. My nie možam paviedamić śledstvu ničoha novaha», — dadaje D. Čarkasava.
20 kastryčnika žurnalisty ŭskładuć kvietki na mohiłkach u Kałodziščach, dzie pachavanaja Vieranika. Adjezd ad haradskoj ratušy na asabistym transparcie ŭ 13.30.
***
Žurnalistka niedziaržaŭnaj haziety «Salidarnaść» Vieranika Čarkasava była žorstka zabitaja 20 kastryčnika 2004 h. u svajoj kvatery ŭ Minsku. Jaje cieła sa šmatlikimi nažavymi ranieńniami znajšli 15-hadovy syn žurnalistki Anton Filimonaŭ i jaje ajčym Uładzimir Mialeška.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary